Mose III, 10:6 - BAIBLO ALOO NGMAMI KLƆUKLƆU Ɔ

⁶ Lɔ ɔ se ɔ, Mose de Aaron kɛ e binyumu ɔmɛ, Eleazar kɛ Itamar ke, “Nyɛ ko ngmɛɛ nyɛ yi bwɔmi he kɛ pue nyɛ nɔ, nɛ nyɛ ko hía nyɛ tadehi ngɛ nyɛ he hulɔ kɛ tsɔɔ kaa nyɛ ngɛ kɔmɔ yee. Ke nyɛ pee ja a, nyɛ ma gbo, nɛ Yawɛ mi mi ma fu ma a tsuo. Se nyɛ nyɛmimɛ ɔmɛ, kɛ Israel we ɔ tsuo kulaa ma nyɛ maa ye kɔmɔ nɛ a nyɛ ya ha gbogboe ɔmɛ nɛ Yawɛ la sã a.

Mose III, 10:6 ပူးပေါင်းရင်းမြစ်များ

Yoshua 22:18

Mwɔnɛ nɛ ɔ, nyɛ ma kua Yawɛ, nɛ nyɛ be lɛ sɔmɔe hu lo? Ke nyɛ kua Yawɛ mwɔnɛ ɔ, Yawɛ ma na Israel ma kpekpemi ɔ tsuo he abofu hwɔɔ!

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Yoshua 22:20

Anɛ nyɛ kaii we Zera binyumu Akan lo? Benɛ Akan tɔ mlaa nɛ kɔɔ níhi nɛ sa kaa a kpata a hɛ mi ɔ he ɔ, a gbla Israel ma a tsuo tue; pi Akan nɔ kake pɛ nɛ gbo ngɛ yayami nɛ ɔ he.”

Mose III, 13:45

Ke nɔ ko ngɛ he womi nɔ hiɔ yaya nue ɔ, é wo tade gbagbɛ, é ngmɛɛ e yi bwɔmi he kɛ pue e nɔ, e ha e nya nɔ, nɛ e hi ngmlaa kpae ke, “Ye he tsɔ we oo, ye he tsɔ we!”

Mose IV, 18:5

He klɔuklɔu ɔ, kɛ bɔ sami la tɛ ɔ, o kɛ o bimɛ ɔmɛ pɛ nyɛ tsu ní ngɛ lejɛ ɔ, konɛ ye mi mi nɛ ko fu Israel bi ɔmɛ ekohu.

Mika 1:16

Yuda bi, nyɛ sã nyɛ yi nɔ, nɛ nyɛɛ ye kɔmɔ ha nyɛ bimɛ nɛ nyɛ suɔ mɛ ɔ. Nyɛ ngmla nyɛ yi kaa okpokuhi, ejakaa a ma ba ngɔ nyɛ bimɛ ɔmɛ nyɔguɛ kɛ je nyɛ he.

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Yoshua 7:11

Israel pee yayami! A yi somi nɛ i kɛ mɛ so ɔ nɔ; a ngɔ ní ɔmɛ nɛ i ke a kpata a hɛ mi ɔ ekomɛ kɛ piɛ mɛ nitsɛmɛ a níhi a he; a ju, nɛ a to lakpa.

Mose V, 33:9

A ngmɛɛ we o he, se mohu a kua a fɔli, kɛ a nyɛminyumu ɔmɛ, kɛ a bimɛ. A bu o gbi tue, nɛ a ye o somi ɔ nɔ.

Mose IV, 14:6

Nun bi Yoshua, kɛ Yefune bi Kaleb, nɛ ji slaali ɔmɛ a ti nihi enyɔ hía a he tadehi,

Mose IV, 5:18

Osɔfo ɔ nɛ pɛne yo ɔ yi bwɔmi. Lɔ ɔ se ɔ, e ngɔ niye ní bɔ ɔ, nɛ ji hunga niye ní bɔ ɔ nɛ a kɛ hlaa anɔkuale ɔ ngɔ wo yo ɔ dɛ mi. Osɔfo ɔ nitsɛ lɛɛ e hɛɛ nyu nɛ dooɔ, nɛ kɛ gbiɛmi baa nɔ nɔ ɔ ngɛ e dɛ mi.

Mose II, 33:5

Yawɛ fa Mose ke e de ma a ke, “Ma nɛ kuɛ wa ji nyɛ; ke i kɛ nyɛ nyɛɛ hɛngmɛfia po, ma kpata nyɛ hɛ mi pɛsɛpɛsɛ. Lɔ ɔ he ɔ, nyɛ je nyɛ june ní ɔmɛ ngɛ nyɛ he, konɛ ma hyɛ bɔ nɛ ma pee nyɛ ha.”

Mose II, 6:23

Aaron ngɔ Aminadab biyo Elisheba, Nahshon nyɛmiyo ɔ; nɛ e kɛ lɛ fɔ Nadab, Abihu, Eleazar, kɛ Itamar.

Mose IV, 20:25

Ngɔɔ Aaron kɛ e bi Eleazar kɛ ba Hor yo ɔ nɔ,

Ezra 7:5

Buki tsɛ ji Abishua, Abishua tsɛ ji Finehas, Finehas tsɛ ji Eleazar, nɛ Eleazar tsɛ ji Aaron.