Mose III, 10:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Mose III, 10:3 ပူးပေါင်းရင်းမြစ်များ

Mose II, 19:22

Jã kɛ̃, osɔfo ɔmɛ nɛ mɛɛ a nyɛɔ suu ye he ɔ, mɛ hu hyɛ nɛ a tsukɔ a he, bɔ nɛ pee nɛ Yawɛ ko ba kpata a hɛ mi.”

Yesaya 49:3

E de mi ke, “Israel, ye tsɔlɔ ji mo. O he ɔ, nihi maa wo ye hɛ mi nyami.”

Mose III, 21:6

Osɔfo tsuaa osɔfo nɛ pee e he klɔuklɔu, nɛ e ko pue ye hɛ mi si; ejakaa lɛ nɛ sãã niye ní bɔ ɔ haa imi Yawɛ, lɔ ɔ he ɔ, e sa nɛ e pee e he klɔuklɔu.

Mose IV, 20:12

Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Mose V, 32:51

ejakaa nyɛ ni enyɔ ɔmɛ tsuo nyɛ bui mi tue; nyɛ pue ye hɛ mi si ngɛ Israel bi ɔmɛ a hɛ mi. Nyɛ pue ye hɛ mi si ngɛ Meriba pa a nya, ngɛ Kadesh ma a kasa nya, ngɛ Zin nga kplanaa a nɔ. Nyɛ bui mi kaa nɔ klɔuklɔu ngɛ Israel ma a hɛ mi.

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Samuel I, 6:20

Kɛkɛ nɛ Bet Shemesh bi ɔmɛ bi ke, “Mɛnɔ po ma nyɛ Yawɛ, Mawu klɔuklɔu nɛ ɔ hɛ mi maa da? Nɛ jije wa ma je lɛ kɛ je wa ngɔ kɛ ya?”

Mose III, 21:21

Osɔfo Aaron nina ko nɛ kpa ngɛ e he be he blɔ kaa e ngɔɔ niye ní bɔ kɛ ba haa Yawɛ.

Mose III, 8:35

Nyɛɛ hi kpe he bo tsu ɔ sinya a nya nyɔ kɛ pia ligbi kpaago kɛ tsu ní tsumi nɛ Yawɛ kɛ wo nyɛ dɛ ɔ; ke pi ja a, nyɛ ma gbo. Bɔ nɛ a fa mi ke ma de ji nɛ ɔ nɛ.”

Ezekiel 20:41

Ke i je nyɛ kɛ je je mahi a nɔ hehi nɛ a gbɛ nyɛ ngɔ fĩa a, nɛ i ba bua nyɛ nya a, ma ná nyɛ he tsui kaa bɔ nɛ he via, nɛ je ma amɛ maa na kaa nɔ klɔuklɔu ji mi ngɛ nyɛ kpɛti.

Mose III, 22:9

“Osɔfo ɔmɛ tsuo nɛ a ye ye blɔ nya tomi ɔmɛ a nɔ. A ko ble a he. Ke a pee ja a, a pee yayami, nɛ a ma gbo. Imi ji Yawɛ nɛ tsukɔɔ a he ɔ nɛ.

Mose III, 21:17

e de Aaron ke, “Ngɛ yi nɔ ɔmɛ tsuo a mi ɔ, o nina ko nɛ kpa ngɛ e he ko hla kaa e maa ngɔ Yawɛ niye ní bɔ kɛ ba ha mi.

Mose III, 21:15

Ke pi ja a, e bimɛ nɛ sa kaa a peeɔ klɔuklɔu ɔ, a he be tsɔe. Imi ji Yawɛ; imi nɛ i hla lɛ ngɔ to kaa osɔfo nɔkɔtɔma a nɛ.”

Mose III, 21:8

Ma a nɛ bu osɔfo kaa nɔ klɔuklɔu, ejakaa lɛ nɛ e ngɔɔ niye ní bɔ ɔmɛ kɛ ba haa mi ɔ nɛ. Imi ji Yawɛ; i ngɛ klɔuklɔu, nɛ i peeɔ ye ma a klɔuklɔu.

Ezekiel 42:13

Kɛkɛ nɛ nyumu ɔ de mi ke, “Tsu enyɔ nɛ ɔmɛ ngɛ klɔuklɔu. Osɔfohi nɛ baa Yawɛ we ɔ, tsu nɛ ɔmɛ a mi a yeɔ bɔ klɔuklɔu pe kulaa a ngɛ. Tsu nɛ ɔmɛ ngɛ klɔuklɔu, nɛ a mi nɛ osɔfo ɔmɛ toɔ bɔ klɔuklɔu pe kulaa nɛ ɔmɛ ngɛ: niye ní bɔ, yayami pami bɔ, kɛ fɔ yemi bɔ.

La 39:9

Ma ma ye nya nɛ ma pee dii, ejakaa mo lɛ o ha nɛ i na nɔ́ kikɛ nɛ ɔ nɛ.

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Ezekiel 28:22

De mɛ ke imi Nyɔmtsɛ Yawɛ, i ke i kɛ mɛ ná. Je ma amɛ maa wo ye hɛ mi nyami ngɛ nɔ́ nɛ ma pee Sidon ma a he. Ma gbla Sidon tue, konɛ a na bɔ nɛ i ngɛ klɔuklɔu ha. Kɛkɛ ɔ, a maa le kaa imi ji Yawɛ.

Hiob 2:10

Hiob he nɔ ke, “O ngɛ munyu tue kaa bɔ nɛ yihi kuasia amɛ a ti nɔ ko maa tu munyu pɛ. Ke Mawu ha wɔ nɔ́ kpakpa a, tse wa heɔ. Lɛ ke e ha wɔ nɔ́ yaya a, wa ko ngɔ lo?” Enɛ ɔ tsuo mi ɔ, Hiob pee we yayami; e de we nɔ́ ko kɛ si we Mawu.

Yohane 12:28

Tsaatsɛ, wo mo nitsɛ o hɛ mi nyami!” Kɛkɛ nɛ gbi ko je hiɔwe de ke, “I wo ye hɛ mi nyami momo, se ma kpale pee ekohu.”

Samuel I, 3:18

Lɔ ɔ he ɔ, Samuel de lɛ nɔ́ tsuaa nɔ́; e si we nɔ́ ko nɛ e de we lɛ. Eli de ke, “Lɛ ji Yawɛ ɔ nɛ; nɔ́ tsuaa nɔ́ nɛ sa e hɛ mi ɔ, e pee!”

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Yohane 14:13

Ke nyɛ kpa nɔ́ ko he pɛɛ ngɛ ye biɛ mi ɔ, ma pee; kɛkɛ ɔ, kɛ gu Bi ɔ nɔ ɔ, a maa wo Tsɛ ɔ hɛ mi nyami.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”

Yesaya 39:8

Se Matsɛ Hezekia susu kaa nɔ́ nɛ ɔ kɛ he jɔmi, kɛ tue mi jɔmi maa ba ngɛ lɛɛ e yi nɔ. Lɔ ɔ he ɔ, e de Yesaya ke, “Yawɛ sɛ gbi nɛ o ngɔ ba ha mi ɔ hi.”

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 30:30

Jehanɛ moo pɔ Aaron kɛ e binyumu ɔmɛ nu, nɛ o tsukɔ a he, konɛ a sɔmɔ mi kaa osɔfohi.

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

La 148:14

E to e ma a sisi kɛ he wami saminya. lɔ ɔ he ɔ, e ma a tsuo ngɛ e yi jee; e ma a ji Israel, nɛ e he jua wa ha lɛ kaa nɔ́ ko. Nyɛ je Yawɛ yi!

Ezekiel 38:16

O ma ba tua ye ma Israel ɔ kaa ahumi nɛ ngɛ fiae huu kɛ nyɛɛ zugba a nɔ tsuo. Ke be ɔ su ɔ, ma ha o ma ba tua ye zugba a nɔ bi ɔmɛ, bɔ nɛ pee nɛ je ma amɛ nɛ a na nɔ nɛ i ji, konɛ kɛ gu nɔ́ nɛ ma pee nɛ ɔ nɔ ɔ, a na kaa nɔ klɔuklɔu ji mi.

Ezekiel 40:46

Kake ɔ hu nɛ hɛ mi kpee omleyi je ɔ, osɔfo ɔmɛ nɛ sɔmɔɔ ngɛ bɔ sami la tɛ ɔ he ɔ, mɛ hu a nɔ́ ji lɔ ɔ nɛ. Zadok nina ji osɔfo nɛ ɔmɛ tsuo; nɛ mɛ pɛ ji Levi bi nɛ ngɛ he blɔ kaa a ba sɔmɔɔ ngɛ Yawɛ hɛ mi.

Mose II, 19:24

Yawɛ de Mose ke, “Kple si nɛ o ya ngɔ Aaron kɛ ba. Se osɔfo ɔmɛ, kɛ ma a lɛɛ ko ha nɛ a gba piɛ ɔ nɛ a kuɔ kɛ ba ye ngɔ, nɛ ma ko ba gbla a tue.”

La 39:10

Koo gbla ye tue hu; ye he wami ta! Bɔ nɛ o fiaa mi ní ɔ, e hiɛ!

La 93:5

Yawɛ, o mlaa amɛ ngɛ kɛ yaa neneene; klɔuklɔu peemi sa o we ɔ daa.