Mose III, 10:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ le slɔɔto nɛ ngɛ nɔ́ klɔuklɔu, kɛ nɔ́ gu a kpɛti, nɔ́ nɛ he tsɔ, kɛ nɔ́ nɛ he tsɔ we.

Mose III, 10:10 ပူးပေါင်းရင်းမြစ်များ

Ezekiel 22:26

Osɔfo ɔmɛ plɛɔ ye mlaa a hɛ mi buɔ si, nɛ a bleɔ ye ní klɔuklɔu ɔmɛ. A li slɔɔto nɛ ngɛ nɔ́ klɔuklɔu, kɛ nɔ́ gu a kpɛti. A tsɔɔ we ni ɔmɛ slɔɔto nɛ ngɛ nɔ́ nɛ he tsɔ, kɛ nɔ́ nɛ he tsɔ we a kpɛti. A kuɔ a hɛ ngɔ fɔɔ Hejɔɔmi ligbi ɔ nɔ. Lɔ ɔ he ɔ, Israel bi ɔmɛ bui mi fɛɛ.

Mose III, 11:47

Mlaa nɛ ɔ tsɔɔ slɔɔto nɛ ngɛ lohwehi nɛ a he tsɔ, kɛ lohwehi nɛ a he tsɔ we a kpɛti, kɛ slɔɔto nɛ ngɛ lohwehi nɛ a yeɔ, kɛ lohwehi nɛ a yi a kpɛti.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Ezekiel 44:23

“Osɔfo ɔmɛ nɛ́ a tsɔɔ ye ma a slɔɔto nɛ ngɛ nɔ́ klɔuklɔu, kɛ nɔ́ nɛ be klɔuklɔu a kpɛti, kɛ slɔɔto nɛ ngɛ nɔ́ nɛ he tsɔ we, kɛ nɔ́ nɛ he tsɔ a kpɛti.

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Mose III, 13:43

Osɔfo ɔ nɛ hyɛ lɛ. Ke e na kaa nɔ́ nɛ pue nɔ ɔ yi mi, loo e hɛ nya a ngɛ futaa nɛ tsutsuu bɔɔ fia mi ɔ,

Mose III, 14:57

Mlaa nɛ ɔmɛ tsɔɔ be mi nɛ nɔ́ ko he tsɔ we kɛ be mi nɛ nɔ́ ɔ he tsɔ.