Mose III, 1:5 - BAIBLO ALOO NGMAMI KLƆUKLƆU Ɔ

⁵ Jehanɛ, e gbe na ku ɔ ngɛ Yawɛ hɛ mi, nɛ Aaron binyumu ɔmɛ, nɛ ji osɔfo ɔmɛ kɛ muɔ ɔ nɛ ba; lɔ ɔ se ɔ, a tsɛ̃ muɔ ɔ ngɔ pue bɔ sami la tɛ nɛ ngɛ kpe he bo tsu ɔ sinya a nya a he kɛ kpe.

Mose III, 1:5 ပူးပေါင်းရင်းမြစ်များ

Mose III, 3:8

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose III, 1:11

É gbe lɛ ngɛ Yawɛ hɛ mi ngɛ bɔ sami la tɛ ɔ we omleyi je, konɛ Aaron binyumu ɔmɛ nɛ ji osɔfo ɔmɛ nɛ a tsɛ̃ muɔ ɔ ngɔ pue bɔ sami la tɛ ɔ he kɛ kpe.

Mose III, 3:2

Nɔ ɔ nɛ ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ sinya a nya, konɛ Aaron bimɛ ɔmɛ nɛ ji osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

Kronika II, 35:11

Benɛ a gbe to ɔmɛ ɔ, Levi bi ɔmɛ kpɔ lohwe ɔmɛ a he womi ɔmɛ, nɛ osɔfo ɔmɛ ngɔ muɔ ɔ kɛ fĩa bɔ sami la tɛ ɔ nɔ.

Mose III, 3:13

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ ngɔ pue bɔ sami la tɛ ɔ he kɛ kpe.

Mose II, 29:16

Lɔ ɔ se ɔ, moo gbe to ɔ, nɛ o tsɛ̃ e muɔ ɔ kɛ pue bɔ sami la tɛ ɔ kɔ nya eywiɛ ɔmɛ tsuo.

Hebribi 10:11

Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.

Mika 6:6

Ke i ma nɛ ma ba ja Yawɛ, hiɔwe Mawu ɔ, mɛni ma hɛɛ kɛ ba ha lɛ? Anɛ ma ngɔ na bihi nɛ a ye jeha kakaaka kɛ ba sá sami bɔ ha lɛ lo?

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Yesaya 52:15

Se jehanɛ lɛɛ e he maa pee je mahi babauu nyakpɛ; nɛ matsɛmɛ pohu a nya maa kpɛ a he wawɛɛ. Ejakaa nɔ́ ko nɛ a de we mɛ hyɛ ɔ, a maa na, nɛ nɔ́ ko nɛ a nui hyɛ ɔ, a maa nu sisi jehanɛ.”

Mose IV, 18:17

Na, loo jijɔ, loo apletsi kekleekle bi lɛɛ a ko kpɔ; ejakaa mɛɛ a he tsɔ. Ngɔɔ a muɔ ɔ kɛ fĩa bɔ sami la tɛ ɔ nɔ, nɛ o sã a zɔ ɔ kaa bɔ nɛ jeɔ via ha Yawɛ.

Mose III, 16:15

Jehanɛ, é gbe akpakpo ɔ nɛ a kɛ ma yayami pami bɔ sami ha ma a. É ngɔ muɔ ɔ kɛ ba he klɔuklɔu pe kulaa a, nɛ e ya fĩa kɛ pue somi daka a nya nɔ́ ɔ nɔ, kɛ somi daka a he kɛ kpe kaa bɔ nɛ a kɛ na ku ɔ muɔ ɔ pee ɔ pɛpɛɛpɛ.

Mose III, 1:15

Osɔfo ɔ nɛ ngɔ ngɛ nɔ ɔ dɛ kɛ ba bɔ sami la tɛ ɔ he. É kika lohwe pɛlitsɛ ɔ kuɛ, nɛ e tsɔ e yi ngɛ nya; e sã yi ɔ ngɛ bɔ sami la tɛ ɔ nɔ; nɛ e tsle muɔ ɔ ngɔ pue bɔ sami la tɛ ɔ he.

Mose II, 29:11

Lɔ ɔ se ɔ, moo gbe na ku ɔ ngɛ imi Yawɛ, ye hɛ mi, ngɛ kpe he bo tsu ɔ sinya a nya.

Mose III, 4:29

É ngɔ e nine ngɔ fɔ lohwe ɔ yi mi, nɛ é gbe lɛ ngɛ he nɛ a gbee lohwehi nɛ a kɛ ba sãã sami bɔ ngɛ ɔ.

Mose III, 4:33

É ngɔ e nine ngɔ fɔ lohwe ɔ yi mi, nɛ é gbe lɛ ngɛ he nɛ a gbee lohwehi nɛ a kɛ ba sãã sami bɔ ngɛ ɔ.

Mose III, 17:11

Muɔ ji nɔ́ nɛ haa he lo tsuaa he lo wami. Lɔ ɔ he nɛ Yawɛ fa ke a ngɔ muɔ kɛ pue bɔ sami la tɛ ɔ nɔ nɛ a kɛ kpa musu ɔ nɛ. Muɔ ji nɔ́ nɛ a kɛ kpaa musu, ejakaa wami ngɛ mi.

Samuel I, 1:25

Benɛ a gbe na ku ɔ se ɔ, a kɛ jokuɛ ɔ ba Eli ngɔ.

Ezekiel 43:18

Mlaahi nɛ ngɛ bɔ sami la tɛ ɔ he ɔ, nɔ́ nɛ Nyɔmtsɛ Yawɛ ngɛ dee nɛ kɔɔ he ji nɛ ɔ nɛ: “Ke a ma bɔ sami la tɛ ɔ nɛ a maa sã bɔ ngɛ nɔ, nɛ a maa ngɔ muɔ kɛ fĩa nɔ ɔ gbe nya a,

Mose II, 40:6

Ngɔɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya.

Mose III, 4:7

Lɔ ɔ se ɔ, e ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. É tsɛ̃ muɔ nɛ piɛ ɔ ngɔ pue bɔ sami la tɛ ɔ nɛ ngɛ kpe he bo tsu ɔ sinya nya a sisi.