Mose III, 1:4 - BAIBLO ALOO NGMAMI KLƆUKLƆU Ɔ

⁴ Nɔ ɔ nɛ ngɔ e nine ngɔ fɔ lohwe ɔ yi mi. A maa ngɔ ngɛ nɔ ɔ nane mi kaa bɔ nɛ e kɛ kpata Yawɛ.

Mose III, 1:4 ပူးပေါင်းရင်းမြစ်များ

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:20

É pee na ku nɛ ɔ kaa bɔ nɛ e pee nɔ́ nɛ a kɛ ba sã yayami pami bɔ ɔ pɛpɛɛpɛ. Bɔ nɛ osɔfo ɔ maa pee nɛ e kɛ kpata Mawu ha ma a, nɛ a kɛ a he yayami maa pa mɛ ji nɛ ɔ nɛ.

Mose III, 3:8

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose III, 3:2

Nɔ ɔ nɛ ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ sinya a nya, konɛ Aaron bimɛ ɔmɛ nɛ ji osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose II, 29:15

“Jehanɛ, yaa nu agbosu ɔ kake, nɛ Aaron kɛ e binyumu ɔmɛ nɛ a ngɔ a nine kɛ pue e yi mi.

Mose II, 29:10

“Ngɔɔ na ku ɔ kɛ ba kpe he bo tsu ɔ hɛ mi, konɛ Aaron kɛ e binyumu ɔmɛ nɛ a ngɔ a nine kɛ pue e yi mi.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose II, 29:19

“Jehanɛ, yaa nu agbosu kaketsɛ ɔ hulɔ, nɛ Aaron kɛ e binyumu ɔmɛ nɛ a ngɔ a nine kɛ pue e yi mi.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Yesaya 56:7

“Ma ngɔ nyɛ kɛ ba Zion, ye yo klɔuklɔu ɔ nɔ; ma ha nyɛ bua maa jɔ ngɛ ye sɔlemi we ɔ, nɛ bɔ ɔmɛ tsuo nɛ nyɛ maa sã ngɛ ye bɔ sami la tɛ ɔ nɔ ɔ, ma he. Ejakaa a ma tsɛ ye we ɔ je mahi tsuo a sɔlemi we.”

Mose IV, 15:25

Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.

Mose III, 16:24

É du e he ngɛ he ko nɛ tsɔ, nɛ é wo lɛ nitsɛ e tade ɔmɛ. Jehanɛ, é je kpo nɛ e ya sã sami bɔ kɛ kpata Yawɛ ha lɛ nitsɛ e he, kɛ ma a hulɔ.

Mose III, 16:21

É ngɔ e nine enyɔ ɔmɛ tsuo ngɔ pue akpakpo ɔ yi mi, nɛ e jaje kaa Israel bi ɔmɛ pee yayami, a tɔ mlaa, nɛ a gbo tue. Aaron nɛ ngɔ yayami nɛ ɔmɛ ngɔ pue akpakpo ɔ nɔ. Lɔ ɔ se ɔ, e ngɔ akpakpo ɔ kɛ ha nɔ ko nɛ a hla kɛ to, nɛ e fie lɛ kɛ ho nga nɔ ya, nɛ e ya ngmɛɛ e he ngɛ lejɛ ɔ.

Mose III, 9:7

Enɛ ɔ se ɔ, Mose de Aaron ke, “Yaa bɔ sami la tɛ ɔ he, nɛ o ya sã yayami pami bɔ, kɛ sami bɔ kɛ je o kɛ ma a tsuo nyɛ he yayami ɔmɛ. Sãã bɔ nɛ ɔ nɛ o kɛ je ma a he yayami ɔmɛ kaa bɔ nɛ Yawɛ fa a.”

Mose III, 8:22

Enɛ ɔ se ɔ, Mose ngɔ agbosu enyɔne ɔ nɛ a kɛ maa pee kusumi kɛ wo osɔfo ɔ hu kɛ ba, nɛ Aaron kɛ e binyumu ɔmɛ ngɔ a nine ngɔ pue e yi mi.

Mose III, 8:14

Jehanɛ, Mose ngɔ na ku ɔ nɛ a kɛ maa sã yayami pami bɔ ɔ kɛ ba, nɛ Aaron kɛ e binyumu ɔmɛ ngɔ a nine kɛ pue lohwe ɔ yi mi.

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:29

É ngɔ e nine ngɔ fɔ lohwe ɔ yi mi, nɛ é gbe lɛ ngɛ he nɛ a gbee lohwehi nɛ a kɛ ba sãã sami bɔ ngɛ ɔ.

Mose III, 4:24

É ngɔ e nine kɛ fɔ akpakpo ɔ yi mi, nɛ e gbe lɛ ngɛ he nɛ a gbee lohwe nɛ a kɛ ba sãã sami bɔ ngɛ ɔ, ngɛ Yawɛ hɛ mi. E ji yayami pami bɔ.

Mose III, 4:15

Ma nimeli ɔmɛ nɛ á ngɔ a nine ngɔ pue lohwe ɔ yi mi, nɛ á gbe lɛ ngɛ lejɛ ɔ ngɛ Yawɛ hɛ mi.

Mose III, 4:4

É ngɔ na ku ɔ kɛ ba kpe he bo tsu ɔ sinya a nya, nɛ e ngɔ e nine ngɔ fɔ lohwe ɔ yi mi, nɛ e gbe lɛ ngɛ lejɛ ɔ ngɛ Yawɛ hɛ mi.

Mose III, 3:13

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ ngɔ pue bɔ sami la tɛ ɔ he kɛ kpe.

Hebribi 10:4

Ejakaa na muɔ, kɛ to muɔ be nyɛe ma je yayami gblegbleegble.

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Mose IV, 25:13

E maa pee lɛ, kɛ e nina tsuo a nɔ́, nɛ a maa da nɔ kɛ ye osɔfo kɛ maa ya neneene. Ejakaa e kplɛɛ we nɛ nihi kɛ mi nɛ plee nɔ́ he, nɛ nɔ́ nɛ ɔ ha nɛ a kɛ Israel ma a he yayami pa mɛ.”

Mose IV, 15:28

Osɔfo ɔ maa pee kusumi kɛ kpata Yawɛ ha lɛ; nɛ a kɛ e he yayami ɔ maa pa lɛ.

Mose IV, 8:12

Enɛ ɔ se ɔ, Levi bi ɔmɛ maa ngɔ a nine kɛ pue na ku enyɔ ɔmɛ a yi mi. O kɛ kake maa sã yayami pami bɔ, nɛ o maa ngɔ kake hu kɛ sã sami bɔ, nɛ o kɛ kpata Yawɛ ha Levi bi ɔmɛ.

Mose III, 22:21

Ke nɔ ko maa sã tue mi jɔmi bɔ ha imi Yawɛ ɔ, bɔ nɛ e wo he si jio, bɔ nɛ je tsui mi faa jio, lohwe nɛ a kɛ maa sã bɔ ɔ, e pee lohwe nɛ kpa ko be e he, na jio, to jio.

Mose III, 6:7

Osɔfo ɔ maa sã bɔ ɔ kɛ kpata Yawɛ ha lɛ, nɛ a kɛ e he yayami tsuo nɛ e pee ɔ maa pa lɛ.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose II, 28:38

E hi Aaron hɛ nya daa, kɛkɛ ɔ, ke Israel bi ɔmɛ ngɔ a nike ní klɔuklɔu ɔmɛ kɛ ba ha mi, nɛ tɔmi ko ba ngɛ nɔ́ nɛ ɔ peemi mi po ɔ, imi Yawɛ, i be nike ní ɔmɛ kuae, se mohu ma ngɔ.

Mose II, 29:33

Mɛ pɛ lɛ á ye osɔfo womi kusumi kpatami ní nɛ ɔ; nɔ ko nɛ pi osɔfo ji lɛ ɔ, e ko ye eko, ejakaa e ji ní klɔuklɔu.

Mose III, 4:33

É ngɔ e nine ngɔ fɔ lohwe ɔ yi mi, nɛ é gbe lɛ ngɛ he nɛ a gbee lohwehi nɛ a kɛ ba sãã sami bɔ ngɛ ɔ.

Mose IV, 8:10

Ke o ngɔ Levi bi ɔmɛ kɛ ba imi Yawɛ, ye hɛ mi ɔ, Israel bi ɔmɛ maa ngɔ a nine kɛ pue Levi bi ɔmɛ a yi mi.

Mose III, 8:18

Enɛ ɔ se ɔ, Mose ngɔ agbosu ɔ nɛ a kɛ maa sã sami bɔ ɔ kɛ ba, nɛ Aaron kɛ e binyumu ɔmɛ ngɔ a nine ngɔ pue lohwe ɔ yi mi.