Mose III, 1:3 - BAIBLO ALOO NGMAMI KLƆUKLƆU Ɔ

³ Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose III, 1:3 ပူးပေါင်းရင်းမြစ်များ

Mose I, 22:13

Benɛ Abraham po e hɛ nɛ e hyɛ ɔ, agbosu ko ji nɛ ɔ ngɛ e se, nɛ e koli lata tso komɛ ngɛ pu ɔ mi. Kɛkɛ nɛ e ya nu agbosu ɔ, nɛ e kɛ sã sami bɔ ngɛ e bi ɔ nane mi.

Mose I, 22:2

Mawu de lɛ ke, “Ngɔɔ o binyumu Isak, o bi kake too ɔ nɛ o suɔ lɛ saminya a, nɛ o ya Moria zugba a nɔ. Ngɔɔ lɛ kɛ ya sã sami bɔ ha mi ngɛ lejɛ ɔ, ngɛ yo ko nɛ ma tsɔɔ mo ɔ nɔ.”

Mose I, 22:8

Abraham he nɔ ke, “Ye bi, Mawu nitsɛ ma je jijɔ ha wɔ nɛ wa kɛ sã sami bɔ ɔ.” Kɛkɛ nɛ mɛ ni enyɔ ɔmɛ tsuo a tsa nyɛɛmi ɔ nɔ kɛ ho.

Mose I, 8:20

Noa ma bɔ sami la tɛ ha Yawɛ, nɛ e ngɔ we mi lohwehi nɛ a he tsɔ ɔ eko tsuaa eko kɛ sã sami bɔ ngɛ nɔ: pɛlitsɛmɛ kɛ nane eywiɛɛywiɛtsɛmɛ.

Kronika II, 29:32

Lohwehi nɛ ma a kɛ ba nɛ a kɛ sã sami bɔ ha Yawɛ ji nɛ ɔmɛ nɛ: na ku nyingmi kpaago, agbosu lafa, kɛ jijɔ lafa enyɔ.

Kronika II, 35:12

Enɛ ɔ se ɔ, a dla lohwe ɔmɛ nɛ a kɛ maa sã sami bɔ ɔ ngɔ ha ma a we puɔ nya we puɔ nya, konɛ a sã bɔ ɔmɛ kaa bɔ nɛ a ngma ngɛ Mose mlaa a mi ɔ.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Mose II, 12:5

To ɔ nɛ pee to ku nɛ ye jeha kake, nɛ kpa ko kulaa be e he. E pee jijɔ, loo apletsi.

Mose II, 24:5

Lɔ ɔ se ɔ, e tsɔ nihewi ɔmɛ ekomɛ nɛ a kɛ nahi ya sã sami bɔ, kɛ tue mi jɔmi bɔ kɛ ha Yawɛ.

Mose II, 29:18

Lɔ ɔ se ɔ, moo sã to ɔ tsuo ngɛ bɔ sami la tɛ ɔ nɔ. E ji sami bɔ nɛ jee via saminya, nɛ sa imi Yawɛ, ye hɛ mi.

Mose II, 29:4

“Ngɔɔ Aaron kɛ e binyumu ɔmɛ kɛ ba kpe he bo tsu ɔ sinya a nya, nɛ o ngɔ nyu kɛ du a he ha mɛ.

Mose II, 29:42

Kikɛmɛ a sami bɔ nɛ ɔ nɛ pee bɔ ko nɛ nyɛɛ kɛ nyɛ nina maa sã daa ngɛ kpe he bo tsu ɔ sinya a nya, ngɛ imi Yawɛ, ye hɛ mi. Lejɛ ɔ i kɛ nyɛ maa kpe ngɛ, nɛ lejɛ ɔ i kɛ nyɛ maa tu munyu ngɛ.

Mose II, 32:6

E nɔ jena makɛ mla a, ma a te si nɛ a sã sami bɔhi, nɛ a kɛ tue mi jɔmi bɔhi hu ba. Ma a pue si, nɛ a ye ní, nɛ a nu ní; nɛ lɔ ɔ se ɔ, a fiɛ yo kɛ nyumu yakayaka fiɛmihi.

Mose II, 35:21

Nɔ tsuaa nɔ ngɔ e nike ní ba ha Yawɛ, konɛ a kɛ ma kpe he bo tsu ɔ kɛ e mi sɔmɔmi ní ɔmɛ tsuo, kɛ tade klɔuklɔu ɔmɛ. Nɔ tsuaa nɔ ha kɛ je e tsui mi kaa bɔ nɛ mumi ɔ fa lɛ ɔ.

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Mose II, 35:5

Nyɛ ba ke imi Yawɛ ní. Nɔ tsuaa nɔ nɛ ngɛ he tsui kaa e maa ke nɔ́ ko ɔ, nɔ́ nɛ e ngɔ kɛ ba ji sika tsu, sika hiɔ, kɛ akɔblee;

Mose II, 36:3

Mose ngɔ nike níhi nɛ Israel bi ɔmɛ je a tsui mi kɛ ba nɛ a kɛ tsu he klɔuklɔu ɔ he ní ɔ tsuo ngɔ wo a dɛ. Se loloolo ɔ, Israel ma a kɛ a nike ní ɔmɛ ngɛ bae ba ngɛ Mose hae daa mɔtu.

Mose II, 38:1

E kɛ akasia tso pee bɔ sami la tɛ; e ngɛ kɔ nya eywiɛ. E kami ji nine mi blimi nyɔngma, e blimi ji nine mi blimi nyɔngma, nɛ e si temi ji nine mi blimi ekpa.

Yesaya 1:11

Yawɛ ke, “Bɔ ɔmɛ tsuo nɛ nyɛ ngɔɔ kɛ ba haa mi ɔ, anɛ nyɛ susuɔ kaa i suɔ lo? To ɔmɛ nɛ nyɛ kɛ ba sãã bɔ, kɛ lohwe kpakpa amɛ a zɔ ɔ hiɛ tsɔ ha mi. Na kuhi, kɛ jijɔhi, kɛ akpakpohi a muɔ ba ti mi.

Ezekiel 20:40

Ye yo klɔuklɔu nɛ ji Israel yo gagaa a nɔ nyɛ Israel bi tsuo pɛpɛɛpɛ nɛ ngɛ zugba a nɔ ma ba ja mi ngɛ. Lejɛ ɔ nɛ ma ná nyɛ he tsui ngɛ, nɛ lejɛ ɔ nyɛ maa ngɔ nike ní slɔɔtoslɔɔto ɔmɛ tsuo kɛ ba, sami bɔ ɔmɛ, nike ní kpakpa pe kulaa amɛ, kɛ bɔ klɔuklɔu ɔmɛ.

Ezekiel 40:39

Okplɔɔ eywiɛ ngɛ tsu agbo nɛ ɔ mi; enyɔ ngɛ kasa hiɛ, nɛ enyɔ hu ngɛ kasa hiɛ. Okplɔɔ nɛ ɔmɛ a nɔ a gbee lohwehi nɛ a kɛ maa sã bɔ ɔmɛ ngɛ: sami bɔhi jio, yayami pami bɔhi jio, fɔ yemi bɔhi jio.

Mose III, 1:10

Se ke to nɛ nɔ ɔ kɛ ma sami bɔ sami ɔ, é pee agbosu, aloo akpakpo nɛ kpa ko be e he.

Mose III, 14:10

Ligbi nɛ ji kpaanyɔ ɔ, é ngɔ agbosu enyɔ nɛ kpa ko be a he, kɛ jijɔ yo nɛ ye jeha kake, nɛ lɛ hu kpa ko be e he, kɛ níye ní bɔ mamu bukɔbukɔ kilo etɛ nɛ a kɛ nu futu mi, kɛ nu lita fa kɛ ba.

Mose III, 16:7

Jehanɛ, é ngɔ akpakpo enyɔ ɔmɛ kɛ ba Yawɛ hɛ mi ngɛ kpe he bo tsu ɔ sinya a nya.

Mose III, 17:8

Jehanɛ hu, de mɛ ke, ke Israel fɔfɔɛ, aloo nɔ ko nɛ ba to mɛ nubwɔ maa sã sami bɔ, loo bɔ kpa ko kɛ ha Yawɛ, nɛ e ngɔɛ kɛ bɛ kpe he bo tsu ɔ sinya a nya a,

Mose III, 17:9

jamɛ a nɔ ɔ, a je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose III, 23:12

Ligbi ɔ nɛ nyɛ maa ngɔ nɔ́ nɛ nyɛ bua nya a kɛ ha Yawɛ kaa nike ní ɔ, nyɛɛ ngɔ jijɔ nɛ ye jeha kake, nɛ kpa ko be e he kɛ ba sã sami bɔ ha Yawɛ.

Mose III, 23:18

Nyɛɛ ngɔ jijɔ ku kpaago nɛ a ye jeha kakaaka, kɛ na niheyo kake, kɛ agbosu enyɔ nɛ kpa ko be a he kɛ piɛ abolo ɔ he kɛ ba sã sami bɔ ha Yawɛ. Nyɛɛ ngɔ niye ní bɔ, kɛ e he wai bɔ hu kɛ piɛ he. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 3:1

Ke nɔ ko ngɔ na kɛ ma tue mi jɔmi bɔ sami ha Yawɛ ɔ, eku jio, eyo jio, e pee na nɛ kpa ko be e he.

Mose III, 4:15

Ma nimeli ɔmɛ nɛ á ngɔ a nine ngɔ pue lohwe ɔ yi mi, nɛ á gbe lɛ ngɛ lejɛ ɔ ngɛ Yawɛ hɛ mi.

Mose III, 4:23

nɛ a ha nɛ e na e tɔmi ɔ, é ngɔ akpakpo nɛ kpa ko be e he kɛ ba sã bɔ.

Mose III, 4:3

Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Mose III, 4:32

Ke jijɔ nɔ ko kɛ ma yayami pami bɔ sami ɔ, e ngɔ jijɔ yo nɛ kpa ko be e he kɛ ba.

Mose III, 5:15

ke nɔ ko li e he be nɛ e pee yayami kɛ si Mawu, lɔ ɔ ji kaa e ha we Yawɛ ní klɔuklɔu ɔmɛ nɛ sa nɛ e ha lɛ sisiisi ɔ, é ngɔ agbosu nɛ kpa ko be e he kɛ ba. Lohwe ɔ jua nɛ pee bɔ nɛ he klɔuklɔu ɔ mlaa a tsɔɔ ɔ. Fɔ yemi bɔ ji nɛ ɔ nɛ.

Mose III, 5:18

É ngɔ agbosu nɛ kpa ko be e he, loo nɔ́ ko nɛ he jua kɛ lɛ sɔ kɛ ba ha osɔfo ɔ kaa fɔ nɛ e ye ɔ he bɔ. Osɔfo ɔ maa ngɔ kɛ sã bɔ kɛ kpata Yawɛ ha lɛ, nɛ a kɛ e he yayami ɔ maa pa lɛ.

Mose III, 6:2

ke Israel fɔfɔɛ ko kɛ nɔ́ ko ba da e se, nɛ e nyɛmi ɔ kpale we nɔ́ ɔ kɛ ba ha we lɛ, loo e ju lɛ, loo e sisi lɛ ɔ, e pee yayami kɛ si Yawɛ.

Mose III, 6:8

Yawɛ de Mose ke

Mose III, 7:16

Ke nɔ ko ba sã tue mi jɔmi bɔ ɔ; nɔ́ ko nɛ e wo he si jio, nɔ́ nɛ je e tsui mi faa jio, a ma nyɛ ye lo ɔ ligbi ɔ nɛ e kɛ ba a. Ke eko piɛ ɔ, a ye e nɔ jena.

Mose III, 8:18

Enɛ ɔ se ɔ, Mose ngɔ agbosu ɔ nɛ a kɛ maa sã sami bɔ ɔ kɛ ba, nɛ Aaron kɛ e binyumu ɔmɛ ngɔ a nine ngɔ pue lohwe ɔ yi mi.

Mose III, 9:2

nɛ e de Aaron ke, “Ngɔɔ na niheyo, kɛ agbosu nɛ kpa ko be a he kɛ ba sã bɔ ha Yawɛ. Ngɔɔ na niheyo ɔ kɛ sa yayami pami bɔ, nɛ o ngɔ agbosu ɔ kɛ sã sami bɔ.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Mose IV, 15:8

Ke nyɛɛ kɛ na ku ma sami bɔ, loo si womi nɔ yemi bɔ, loo tue mi jɔmi bɔ sami ha Yawɛ ɔ,

Mose IV, 19:2

“Mlaa nɛ Yawɛ wo ji nɛ ɔ nɛ: nyɛ de Israel bi ɔmɛ nɛ a ngɔ na yo tsu nɛ nye, loo kpa ko be e he, nɛ a kɛ kuɛpã hu wui lɛ hyɛ kɛ ba

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Mose IV, 23:27

Balak ya nɔ nɛ e de Balaam ke, “Ha nɛ wa pa ya he kpa, kaa alini jehanɛ lɛɛ Mawu maa kplɛɛ kaa o gbiɛ mɛ ha mi ngɛ lejɛ ɔ lo.”

Mose IV, 23:3

Balaam de Balak ke, “Da si ngɛ o sami bɔ ɔ he, nɛ imi nɔ kake ma ya, kaa alini Yawɛ kɛ mi ma ba kpe lo. Nɔ́ tsuaa nɔ́ nɛ e ma je tsɔɔ mi ɔ, ma ba de mo.” Kɛkɛ nɛ e pue nɔ kɛ ho yoku kpataa ko nɔ ya,

Mose IV, 23:30

Balak pee kaa bɔ nɛ Balaam de lɛ ɔ, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose IV, 28:11

“Daa nyɔhiɔ sisije ɔ, nyɛɛ ngɔ na niheyo enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he kɛ sã sami bɔ kɛ ha Yawɛ.

Mose IV, 28:19

A ngɔ lohwe nɛ ɔmɛ kɛ sã sami bɔ ha Yawɛ: na ku enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he.

Mose IV, 28:31

Nyɛɛ sã bɔ nɛ ɔmɛ kɛ a he wai bɔ ɔ kɛ piɛ daa ligbi sami bɔ ɔ, kɛ niye ní bɔ ɔ a he. Nyɛɛ hyɛ nɛ kpa ko kpa ko kó hi bɔ sami lohwe ɔmɛ a he.”

Mose IV, 29:13

Kekleekle ligbi ɔ, nyɛɛ ngɔ lohwe nɛ ɔmɛ kɛ sã sami bɔ nɛ a kɛ la sãã nɛ jee via saminya, nɛ saa Yawɛ hɛ mi: na ku nyɔngma kɛ etɛ, agbosu enyɔ, jijɔ ku nyɔngma kɛ eywiɛ nɛ a ye jeha kakaaka, nɛ kpa ko kpa ko be a he.

Mose IV, 29:2

nɛ nyɛɛ ngɔ lohwe nɛ ɔmɛ kɛ sã sami bɔ nɛ jee via saminya, nɛ saa Yawɛ hɛ mi: na ku kake, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Yohane 1:36

e na Yesu nɛ bee. Kɛkɛ nɛ Yohane de ke, “Ne Mawu To Bi ɔ!”

Yohane 10:7

Lɔ ɔ he ɔ, Yesu kpale de ekohu ke, “I ngɛ nyɛ dee anɔkuale mi ke imi ji to tsu ɔ nya agbo ɔ nɛ.

Yohane 10:9

Imi ji agbo ɔ nɛ; nɔ tsuaa nɔ nɛ ba guu agbo ɔ mi kɛ sɛɔ mi ɔ, e yi ma na wami. E maa sɛ mi, nɛ e maa kpale je kpo ya na niye ní.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Mose V, 12:27

Nyɛɛ sã nyɛ sami bɔ ɔmɛ, lo kɛ muɔ tsuo pɛpɛɛpɛ ngɛ Yawɛ bɔ sami la tɛ ɔ nɔ. Nyɛ bɔ kpa amɛ lɛɛ nyɛ kpa muɔ ɔ ngɔ pue bɔ sami la tɛ ɔ nɔ, nɛ nyɛɛ ye lo ɔ.

Mose V, 15:21

Ke lohwe ɔmɛ a nane kplɔ ngɛ a sisi, loo a hɛngmɛ yu, loo sakpa ko ngɛ a he ɔ, koo ngɔ mɛ kɛ sã bɔ ha Yawɛ, o Mawu ɔ.

Mose V, 17:1

“Nyɛ ko ngɔ na, loo to nɛ kpa, loo nɔ́ ko yayami ngɛ e he kɛ sã bɔ ha Yawɛ, nyɛ Mawu ɔ; Yawɛ hiɔ jamɛ a bɔ.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.