Mose III, 1:2 - BAIBLO ALOO NGMAMI KLƆUKLƆU Ɔ

² e de Israel bi ɔmɛ ke, a kpɛti nɔ tsuaa nɔ nɛ maa ngɔ lohwe nane eywiɛtsɛ kɛ maa sã bɔ ha lɛ, Yawɛ ɔ, e ngɔ na, loo to kɛ ba.

Mose III, 1:2 ပူးပေါင်းရင်းမြစ်များ

Romabi 12:6

Lɔ ɔ he ɔ, nike ní slɔɔtohi nɛ Mawu kɛ dloo wɔ ɔ, e sa kaa wa tsu a he ní saminya. Ke gbami ji wa nike ní ɔ, nyɛ ha waa ngɔ hemi kɛ yemi nɛ Mawu ha wɔ ɔ kɛ tsu he ní.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Kronika I, 16:29

Nyɛɛ ngɔ hɛ mi nyami nɛ sa Yawɛ biɛ ɔ kɛ ha lɛ; nyɛɛ hɛɛ nɔke nɔ́ ko kɛ ba e hɛ mi. Nyɛɛ pee nyɛ he klɔuklɔu; nyɛ bua nyɛ he nya, nɛ nyɛ ja Yawɛ.

Mose I, 4:5

Se Kain lɛɛ Yawɛ na we e he bua jɔmi; e bɔ ɔ hu Yawɛ he we. Enɛ ɔ he je ɔ, Kain mi mi fu wawɛɛ nitsɛ, nɛ e hɛ dɔ.

Mose I, 4:3

Be ko ɔ, Kain ngɔ e ngmɔ mi ní ɔmɛ eko kɛ ba sã bɔ ha Yawɛ.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Marko 7:11

Se nyɛɛ lɛ nyɛ ke, ke nɔ ko de e tsɛ, loo e nyɛ ke, Nɔ́ nɛ jinɛ o ko na kɛ je ye dɛ mi ɔ pee ‘Korban’, aloo a kɛ ke Mawu ɔ,

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Mose IV, 5:15

nyumu nɛ ɔ nɛ ngɔ e yo ɔ kɛ ba osɔfo ɔ ngɔ. Nyumu ɔ nɛ hɛɛ ngma mamu kilo kake, nɛ ji bɔ ɔ nɛ e maa sã ngɛ yo ɔ he ɔ kɛ ba. E ko plɛ oliv nu kɛ pue nɔ, nɛ e ko ngɔ mimɛ hu kɛ fɔ nɔ; ejakaa hunga niye ní bɔ ji nɛ ɔ nɛ; bɔ nɛ nyumu nɛ yi mi tɛ̃ e yo he ba sã, konɛ a kɛ hla anɔkuale ɔ.

Ezra 3:5

A sãã bɔ pɔtɛɛ nɛ ɔmɛ hulɔ: sami bɔhi nɛ a sãã nyami be kaa Nyɔhiɔhe nyami be mi, bɔhi nɛ a sãã daa ke ma a ba bua a he nya nɛ a ma ja Yawɛ kikɛ nɛ ɔ, kɛ bɔhi tsuo nɛ nihi jeɔ a tsui mi faa nɛ a kɛ ba haa Yawɛ.