Mose III, 1:13 - BAIBLO ALOO NGMAMI KLƆUKLƆU Ɔ

¹³ E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose III, 1:13 ပူးပေါင်းရင်းမြစ်များ

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 2:11

A kɛ masa nɔ́ ko kó pee niye ní bɔ ɔmɛ tsuo nɛ a kɛ ba haa Yawɛ ɔ eko; nyɛ ko sã masa nɔ́ ko loo hwo kaa bɔ nɛ a kɛ la sãã ha Yawɛ.

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose IV, 15:4

nɔ tsuaa nɔ nɛ ma ba sã kikɛmɛ a bɔ ha Yawɛ ɔ, e ngɔ niye ní bɔ ngɔ piɛ he. Lɔ ɔ ji ngma mamu bukɔbukɔ kilo kake nɛ a futu lɛ kɛ nu lita kake.

Mose IV, 28:11

“Daa nyɔhiɔ sisije ɔ, nyɛɛ ngɔ na niheyo enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he kɛ sã sami bɔ kɛ ha Yawɛ.

Mose V, 12:27

Nyɛɛ sã nyɛ sami bɔ ɔmɛ, lo kɛ muɔ tsuo pɛpɛɛpɛ ngɛ Yawɛ bɔ sami la tɛ ɔ nɔ. Nyɛ bɔ kpa amɛ lɛɛ nyɛ kpa muɔ ɔ ngɔ pue bɔ sami la tɛ ɔ nɔ, nɛ nyɛɛ ye lo ɔ.

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Mose III, 2:2

nɛ e ngɔ kɛ ba ha Aaron bimɛ ɔmɛ nɛ ji osɔfo ɔmɛ. Osɔfo ɔ nɛ piti mamu bukɔbukɔ kɛ e nɔ nu, kɛ tsopa kɛ e he via a tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ. Enɛ ɔ daa si kaa okadi ngɛ bɔ ɔ nɛ nɔ ɔ kɛ ba a tsuo nane mi kɛ ha Yawɛ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 3:5

Osɔfo ɔmɛ nɛ a sã ní nɛ ɔmɛ tsuo kɛ sami bɔ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 6:14

Niye ní bɔ sami he mlaahi ji nɛ ɔmɛ nɛ. Aaron bimɛ ɔmɛ a ti nɔ kake nɛ ji osɔfo nɛ ngɔ niye ní bɔ ɔ kɛ ba ha Yawɛ ngɛ bɔ sami la tɛ ɔ hɛ mi.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Mose IV, 28:8

Jijɔ ku kake ɔ hu nɛ a kɛ maa sã bɔ gbɔkuɛ ɔ, lɛ hu a ngɔ ngma bɔ, kɛ wai bɔ kɛ piɛ he kaa mɔtu nɔ́ ɔ kɛ̃, konɛ e pee bɔ nɛ a kɛ la sãã, nɛ jeɔ via ha Yawɛ.

Kronika II, 4:6

Jehanɛ, a pee akɔblee kã nyɔngma; a kɛ enuɔ ma Yawɛ we ɔ leneyi je, nɛ a kɛ enuɔ ma omleyi je. A pee akɔblee kã nɛ ɔmɛ, nɛ́ a fɔ lohwe ɔmɛ nɛ a kɛ ba sã sami bɔ ɔ a he, nɛ a jale a he ngɛ a mi. Nyu ɔ nɛ ngɛ nyu nɔ́ agbo ɔ mi ɔ lɛɛ osɔfo ɔmɛ kɛ ma fɔ a he.

Ezekiel 40:38

Tsu bi ko ngɛ agbo ɔ nya nɛ a kɛ sɛɛ kue ɔ mi ngɛ omleyi je. A guu hiɛ ɔ kɛ ya sɛɛ kue nguaa a nɛ hɛ mi kpee kpo nɔ je ɔ mi. Lohwehi nɛ a gbee nɛ a kɛ lohwe ɔ tsuo sãã sami bɔ ɔ, hiɛmɛ nɛ ɔ a fɔɔ a lo ɔ he ngɛ.