Mose II, 9:3 - BAIBLO ALOO NGMAMI KLƆUKLƆU Ɔ

³ lɛɛ imi Yawɛ, i kɛ ye he wami maa ta o lohwe ɔmɛ a he ngɛ a hi he ɔmɛ, nɛ ma ha nɛ aja nɛ nya wa maa sɛ okpɔngɔ ɔmɛ, teji ɔmɛ, afukpɔngɔ ɔmɛ, na amɛ, kɛ to ɔmɛ a kpɛti.

Mose II, 9:3 ပူးပေါင်းရင်းမြစ်များ

Mose I, 47:17

A ya ngɔ a we okpɔngɔ ɔmɛ, to ɔmɛ, na amɛ, kɛ teji ɔmɛ kɛ ba ha Yosef; nɛ e ha mɛ niye ní kɛ to lohwe ɔmɛ a nya. Jamɛ a jeha a tsuo ɔ, Egipt bi ɔmɛ ngɔ a lohwehi tsuo kɛ ba Yosef ngɔ kɛ ba tsake niye ní.

La 39:10

Koo gbla ye tue hu; ye he wami ta! Bɔ nɛ o fiaa mi ní ɔ, e hiɛ!

Mose II, 5:3

A ha lɛ heto ke, “Hebri bi ɔmɛ a Mawu ɔ ba je e he kpo ngɔ tsɔɔ wɔ. Lɔ ɔ he ɔ, wa kpa mo pɛɛ, mo ha nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ. Ke wa pee we ja a, e kɛ gbenɔ hiɔ maa gbe wɔ, loo e ma ha nɛ a gbe wɔ ngɛ ta mi.”

Mose II, 7:4

Enɛ ɔ se ɔ, ma nu Egipt kã nya, nɛ ma kpaka ye ma kpekpemi ɔ nɛ ji Israel bi ɔmɛ kɛ je Egipt zugba a nɔ; nɛ ma ye dami sane ha nyɛ.

Mose II, 8:19

Kɛkɛ nɛ wɔnɔ ɔmɛ de Farao ɔ ke, “Mawu nɔ́ peepee ji nɛ ɔ nɛ.” Se kɛ̃ Farao ɔ kplii e tsui; nɛ kaa bɔ nɛ Yawɛ de ɔ, e bui mɛ tue.

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Ni Tsumi 13:11

Hyɛ, Nyɔmtsɛ ɔ ma je e he wami kpo kɛ tsɔɔ mo jehanɛ; o hɛ ma yu; o be pu la nae kɛ maa su be ko!” Amlɔ nɔuu ɔ, Elima hɛngmɛ nɔ wo afua, nɛ e pee kpii. Kɛkɛ nɛ e bɔni si tataami ngɛ nɔ ko hlae nɛ maa ta e dɛ mi nɛ e tsɔɔ lɛ blɔ.

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”