Mose II, 9:23 - BAIBLO ALOO NGMAMI KLƆUKLƆU Ɔ

²³ Kɛkɛ nɛ Mose wo e tso ɔ nɔ ngɔ tsɔɔ hiɔwe, nɛ Yawɛ ha nɛ hiɔwe si, nɛ gbiɛ ngo ngu nɛ, nɛ oslabai gba kɛ ba na zugba a. Bɔ nɛ Yawɛ ha gbiɛ ngo ngu nɛ kɛ pue Egipt zugba a nɔ ji nɛ ɔ nɛ.

Mose II, 9:23 ပူးပေါင်းရင်းမြစ်များ

La 18:13

Jehanɛ Yawɛ ha hiɔwe si; Hiɔwe No ɔ wo gbi; gbiɛ ngo ngu nɛ, nɛ oslabai gba.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Ezekiel 38:22

Ma ngɔ gbenɔ hiɔ, kɛ muɔ si puemi kɛ gbla Gog tue. Ma ha hiɔmi nɛ nya wa, kɛ gbiɛ ngo ngu maa nɛ wawɛɛ, nɛ la nɛ ngɛ tsoe gegeege maa je hiɔwe ma ba kpata e kɛ e ta a, kɛ je ma amɛ nɛ piɛ e he ɔ tsuo a hɛ mi.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

La 148:8

La, gbiɛ ngo ngu, snoo, bɔ nɛ fi, kɛ ahumi nɛ nyɛ ngɛ Yawɛ tsɔmi nɔ, nyɛ je e yi!

La 77:18

Hiɔwe si kplala-la-la kɛ po si kaa lasiogblee nɛ bee. Oslabai la a ha nɛ je ɔ mi pee heii, nɛ zugba a mimiɛ.

La 29:3

Yawɛ gbi ngɛ pɛe ngɛ wo ɔ mi. Mawu nɛ e hɛ mi ngɛ nyami ɔ wo gbi, nɛ e pɛ ngɛ wo ɔ nɔ he tsuaa he.

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Mose II, 20:18

Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Mose II, 19:16

Ligbi nɛ ji etɛ ɔ mɔtu ɔ, a nu hiɔmi simi, oslabai gbami, kɛ titimati pɛmi wawɛɛ ngɛ yo ɔ nɔ; bɔku kpii hu wo ngɛ lejɛ ɔ. Sawale nu ma a tsuo ngɛ a sito he ɔ, nɛ a he kpokpo.

Kpojemi 16:18

Kɛkɛ nɛ oslabai gba, nɛ hiɔmi si, nɛ zugba mimiɛ wawɛɛ. Kɛ je be nɛ a bɔ adesa a, zugba mimiɛ we kaa kikɛ nɛ ɔ hyɛ. Zugba nɛ mimiɛ jamɛ a ligbi ɔ, a nɛ eko hyɛ.

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Mose II, 9:18

hwɔɔ maa pee be nɛ ɔ mi ɔ, ma ha gbiɛ ngo ngu maa nɛ bɔ nɛ a nɛ eko ngɛ Egipt hyɛ kɛ je be nɛ a to ma a sisi kɛ ba si mwɔnɛ ɔ.

Mose II, 9:24

Benɛ gbiɛ ngo ngu ɔ ngɛ nɛe ɔ, oslabai hu ngɛ la pãe plamplam. Gbiɛ ngo ngu nɛ́ nɛ ɔ, a nɛ e nya wami ɔ eko hyɛ ngɛ Egipt zugba a nɔ tsuo kɛ je be nɛ a to ma a sisi.

Hiob 37:13

Mawu haa hiɔmi nɛɛ, konɛ nyu nɛ ba zugba a nɔ; e haa hiɔmi nɛɛ nɛ e kɛ gblaa nimli adesahi a tue, aloo nɛ e kɛ naa mɛ mɔbɔ.

La 147:17

E haa gbiɛ ngo ngu nɛɔ kaa dongo tɛ. Mɛnɔ ma nyɛ maa da e fĩɛ ɔ nya?