Mose II, 9:22 - BAIBLO ALOO NGMAMI KLƆUKLƆU Ɔ

²² Kɛkɛ nɛ Yawɛ de Mose ke, “Mo wo o nine kɛ tsɔɔ hiɔwe, nɛ gbiɛ ngo ngu nɛ́ nɛ kɛ pue zugba a tsuo nɔ, kɛ pue nimli, lohwehi, kɛ nga nɔ tsohi a nɔ.”

Mose II, 9:22 ပူးပေါင်းရင်းမြစ်များ

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Mose II, 8:16

Kɛkɛ nɛ Yawɛ de Mose ke, “De Aaron nɛ e ngɔ e tso ɔ kɛ fia tabo zu ɔ nɔ, nɛ tabo zu ɔ ma plɛ pee pwɔmi ngɛ Egipt zugba a tsuo nɔ.”

Mose II, 8:5

Yawɛ de Mose ke, “Mo de Aaron ke e wo e tso ɔ nɔ ngɛ pa amɛ, kɛ nyu dɔ ɔmɛ, kɛ taku ɔmɛ a nɔ, nɛ́ e ha ovɔnɔhi nɛ ba Egipt zugba a nɔ.”

Mose II, 7:19

Yawɛ kpale de Mose ke, “De Aaron ke, ‘Ngɔɔ o tso ɔ, nɛ o kpã o nine mi ngɛ Egipt pa amɛ, nyu dɔ ɔmɛ, kɛ taku ɔmɛ tsuo a nɔ, nɛ a mi nyu ɔ kulaa ma plɛ pee muɔ. A maa na muɔ ngɛ he tsuaa he ngɛ Egipt, ngɛ tso buɛhi, kɛ tɛ buɛhi a mi.’ ”

Mose II, 9:21

Se ni nɛmɛ nɛ bui Yawɛ munyu ɔ, mɛɛ lɛɛ a si a nyɔguɛ ɔmɛ, kɛ a lohwe ɔmɛ ngɛ nga nɔ.

Mose II, 10:21

Yawɛ de Mose ke, “Wo o nine nɔ kɛ tsɔɔ hiɔwe, konɛ diblii kpii nɛ wo ngɛ Egipt zugba a nɔ.”

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.