Mose II, 8:8 - BAIBLO ALOO NGMAMI KLƆUKLƆU Ɔ

⁸ Kɛkɛ nɛ Farao ɔ, tsɛ Mose kɛ Aaron nɛ e de mɛ ke, “Nyɛ kpa Yawɛ pɛɛ nɛ e je ovɔnɔ ɔmɛ kɛ je i kɛ ye ma mi bi ɔmɛ wa nɔ, konɛ ma ha nyɛ we bi ɔmɛ nɛ a ho nɛ a ya sã bɔ ha Yawɛ.”

Mose II, 8:8 ပူးပေါင်းရင်းမြစ်များ

Matsɛmɛ I, 13:6

Matsɛ Yeroboam de gbalɔ ɔ ke, “I kpa mo pɛɛ, moo fa kue ha Yawɛ, o Mawu ɔ, nɛ e tsa ye nine ɔ ha mi.” Gbalɔ ɔ fa kue ha Yawɛ, nɛ Yawɛ tsa matsɛ ɔ nine ɔ; nɛ nine ɔ pee kaa bɔ nɛ e ngɛ sa a.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

Mose II, 10:16

Kɛkɛ nɛ Farao ɔ tsɛ Mose kɛ Aaron nɔuu nɛ e de mɛ ke, “I pee yayami kɛ si Yawɛ, nyɛ Mawu ɔ; nɛ nyɛ hu i tɔ̃ nyɛ nɔ.

Mose II, 10:17

Lɔ ɔ he ɔ, i kpa nyɛ pɛɛ, nyɛ ngɔ pa mi si kake nɛ ɔ pɛ, nɛ nyɛ kpa Yawɛ, nyɛ Mawu ɔ pɛɛ ha mi nɛ e je gbenɔ tue gblami nɛ ɔ pɛ kɛ je ye nɔ.”

Mose II, 10:18

Mose je Farao ɔ ngɔ, nɛ e ho nɛ e ya kpa Yawɛ pɛɛ.

Mose II, 14:5

Benɛ a ya bɔ Egipt matsɛ ɔ ke ni ɔmɛ tu fo kɛ je ɔ, Farao ɔ kɛ e tsɔli ɔmɛ tsake a juɛmi ngɛ Israel bi ɔmɛ a he, nɛ a de ke, “Mɛni wa pee nɛ ɔ, kaa wa ngmɛɛ Israel bi ɔmɛ a he nɛ a ho nɛ a be wɔ sɔmɔe hu nɛ ɔ?”

Mose II, 32:11

Se Mose kpa Yawɛ, e Mawu ɔ pɛɛ, nɛ e de ke, “Yawɛ, mɛni he je o mi mi fu o ma a nɛ o kɛ he wami kpetekpleenyɛ, kɛ kɔni si wami kpaka mɛ kɛ je Egipt zugba a nɔ ɔ?

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Mose II, 8:15

Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

Mose II, 8:29

Mose de lɛ ke, “Ke i je o ngɔ pɛ i yaa nɛ ma ya kpa Yawɛ pɛɛ, konɛ hwɔɔmɛ a je hwɔɔ ɔ, pwɔlwɛ ɔmɛ nɛ a jɔɔ mo, o tsɔli ɔmɛ, kɛ o ma mi bi ɔmɛ bungɔmi. Sisimi kɛkɛ nɛ Farao ɔ ko sisi wɔ hu kaa e maa tsi ma a nya nɛ a ko ya nɛ a ya sã bɔ ha Yawɛ.”

Mose II, 8:32

Se Farao ɔ kplii e tsui ekohu, nɛ e ngmɛɛ we Israel bi ɔmɛ a he nɛ a ho.

Mose II, 8:9

Mose de Farao ɔ ke, “Moo lɛɛ e je o nya nɛ o de kɛkɛ kaa be nɛ ɔ mi ɔ, ma kpa pɛɛ ha mo, kɛ o ma mi bi ɔmɛ, kɛkɛ a maa gbe ovɔnɔ ɔmɛ nɛ a be eko nae ngɛ he ko, ja Nilo pa a mi pɛ.”

Mose II, 9:27

Kɛkɛ nɛ Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Jehanɛ lɛɛ i pee yayami; Yawɛ nɔ́ da, se i kɛ ye ma a, wa tɔ̃.

Mose II, 9:28

Nyɛ kpa Yawɛ pɛɛ! Hiɔwe simi kɛ gbiɛ ngo ngu nɛmi nɛ ɔ ba hiɛ. Ma ngmɛɛ nyɛ he nɛ nyɛɛ ho; i be nyɛ nya tsie hu.”

Mose II, 9:33

Jehanɛ ɔ, Mose si Farao ɔ, nɛ e je ma a mi, nɛ e wo e nine nɔ, nɛ e fa kue ha Yawɛ. Kɛkɛ nɛ hiɔwe simi ɔ, kɛ gbiɛ ngo ngu nɛmi ɔ se po, nɛ hiɔmi ɔ hu kpa.

Mose IV, 21:7

Kɛkɛ nɛ ma a ba Mose ngɔ, nɛ a ba de ke, “Wa pee yayami kaa wa tu munyu kɛ si Yawɛ, kɛ mo hulɔ. Mo kpa Yawɛ pɛɛ nɛ e ba je sinɔ ɔmɛ kɛ je wa kpɛti.” Kɛkɛ nɛ Mose kpa pɛɛ ha ma a,

Ni Tsumi 8:24

Kɛkɛ nɛ Simon de Petro kɛ Yohane ke, “I kpa nyɛ pɛɛ, nyɛ kpa Nyɔmtsɛ ɔ pɛɛ ha mi, konɛ níhi nɛ nyɛ de nɛ ɔmɛ ekoeko ko ba ye nɔ.”

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”