Mose II, 8:7 - BAIBLO ALOO NGMAMI KLƆUKLƆU Ɔ

⁷ Se Egipt wɔnɔ ɔmɛ hu gu a ga blɔ ɔmɛ a nɔ kɛ pee ja nɔuu, nɛ a ha ovɔnɔhi fuu ba Egipt zugba a nɔ.

Mose II, 8:7 ပူးပေါင်းရင်းမြစ်များ

Mose II, 7:11

Kɛkɛ nɛ Farao ɔ hu tsɛ e ní leli ɔmɛ, kɛ kunya yeli ɔmɛ nɛ ji Egipt wɔnɔ ɔmɛ kɛ ba, nɛ mɛ hu a gu a ga blɔ ɔmɛ a nɔ kɛ pee ja nɔuu.

Mose II, 7:22

Egipt kunya yeli ɔmɛ gu a ga blɔ ɔmɛ a nɔ nɛ a pee ja nɔuu. Se Farao ɔ lɛɛ e kplii e tsui kaa sa a. Nɛ kaa bɔ nɛ Yawɛ de ngɔ to ɔ, e bui mɛ tue fɛɛ.

Mose II, 8:18

Pwɔmi ɔmɛ ha nɔ tsuaa nɔ. Wɔnɔ ɔmɛ ka kaa mɛ hu a maa gu a ga blɔ ɔmɛ a nɔ kɛ ha pwɔmihi nɛ ba lo; se a nyɛ we.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

2 Timoteo 3:8

Kaa bɔ nɛ Yane kɛ Yambre te si kɛ wo Mose ɔ, ja nɔuu nɛ kikɛmɛ a nimli nɛ ɔmɛ hu te si kɛ ngɛ anɔkuale ɔ nya tsie. Kikɛmɛ a nimli nɛ ɔmɛ nɛ a juɛmi mi kuɔ we ɔ, a hemi kɛ yemi hu gbo.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.