Mose II, 8:32 - BAIBLO ALOO NGMAMI KLƆUKLƆU Ɔ

³² Se Farao ɔ kplii e tsui ekohu, nɛ e ngmɛɛ we Israel bi ɔmɛ a he nɛ a ho.

Mose II, 8:32 ပူးပေါင်းရင်းမြစ်များ

Mose II, 8:15

Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Yesaya 63:17

Yawɛ, mɛni he je o haa nɛ wa tlaa blɔ kɛ jeɔ o blɔ ɔmɛ a nɔ, nɛ wa kpliiɔ wa tsui, konɛ wa ko ye mo gbeye ɔ? Israel ma a, o nɔ, nɛ o tsɔli ji wɔ tsuo. Mo nitsɛ o nihi ji wɔ; lɔ ɔ he ɔ, kpale kɛ ba!

Mose II, 8:8

Kɛkɛ nɛ Farao ɔ, tsɛ Mose kɛ Aaron nɛ e de mɛ ke, “Nyɛ kpa Yawɛ pɛɛ nɛ e je ovɔnɔ ɔmɛ kɛ je i kɛ ye ma mi bi ɔmɛ wa nɔ, konɛ ma ha nyɛ we bi ɔmɛ nɛ a ho nɛ a ya sã bɔ ha Yawɛ.”

Mose II, 8:31

Yawɛ hu pee kaa bɔ nɛ Mose bi lɛ ɔ, nɛ e hwu pwɔlwɛ ɔmɛ kɛ je Farao ɔ, kɛ e tsɔli ɔmɛ, kɛ e ma mi bi ɔmɛ a he; pwɔlwɛ kake ngmelu po píɛ.

Mose II, 9:7

Nɛ benɛ Farao ɔ tsɔ nɛ a ya hyɛ ɔ, a na kaa Israel bi ɔmɛ a lohwe kake po gbo we. Se Farao ɔ kplii e tsui, nɛ e ha we nɛ Israel bi ɔmɛ nɛ a ya.

Samuel I, 6:6

Mɛni he je nyɛ maa kplii nyɛ tsui kaa bɔ nɛ Egipt bi ɔmɛ, kɛ Farao ɔ kplii a tsui ɔ? Nyɛ kai kaa Mawu kɛ Egipt bi ɔmɛ to ní wawɛɛ nitsɛ kɛ ya si be nɛ a ngmɛɛ Israel bi ɔmɛ a he nɛ a ho.