Mose II, 8:31 - BAIBLO ALOO NGMAMI KLƆUKLƆU Ɔ

³¹ Yawɛ hu pee kaa bɔ nɛ Mose bi lɛ ɔ, nɛ e hwu pwɔlwɛ ɔmɛ kɛ je Farao ɔ, kɛ e tsɔli ɔmɛ, kɛ e ma mi bi ɔmɛ a he; pwɔlwɛ kake ngmelu po píɛ.

Mose II, 8:31 ပူးပေါင်းရင်းမြစ်များ

Mose II, 8:21

Se ke o ha we nɛ ye ma a nɛ ya a, ma ha nɛ pwɔlwɛhi maa bungɔ mo, kɛ o tsɔli ɔmɛ, kɛ o ma mi bi ɔmɛ tsuo. Nɛ mo nitsɛ o we ɔ mi, Egipt bi ɔmɛ a we ɔmɛ a mi, kɛ nyɛ zugba a nɔ tsuo ma hyi kɛ pwɔlwɛhi.

Mose II, 8:30

Mose je Farao ɔ ngɔ, nɛ e ho nɛ e ya sɔle ha Yawɛ.

Mose II, 8:32

Se Farao ɔ kplii e tsui ekohu, nɛ e ngmɛɛ we Israel bi ɔmɛ a he nɛ a ho.

La 14:3

Se mɛ tsuo a laa blɔ; mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ́ nɛ da; dɛbi, nɔ kake ngmelu po be.

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.