Mose II, 8:27 - BAIBLO ALOO NGMAMI KLƆUKLƆU Ɔ

²⁷ Wa maa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ, kaa bɔ nɛ e maa tsɔɔ ke waa pee ɔ.”

Mose II, 8:27 ပူးပေါင်းရင်းမြစ်များ

Mose II, 3:18

“A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose III, 10:1

Aaron binyumuhi, Nadab kɛ Abihu a ti nɔ tsuaa nɔ ngɔ e ngɛyu, nɛ e je la ngɔ wo mi, nɛ e ngɔ tsopa kɛ e he via ngɔ pue nɔ, nɛ e kɛ ba Yawɛ hɛ mi; se la nɛ ɔ he tsɔ we, ejakaa Yawɛ fa we mɛ ke a pee ja.

Mose II, 34:11

Mlaa nɛ i ngɛ mo woe mwɔnɛ ɔ, moo ye nɔ. Ma fie Amor bi, Kanaan bi, Hit bi, Periz bi, Hiv bi, kɛ Yebus bi ɔmɛ kɛ je blɔ mi ha mo.

Mose II, 10:26

Dɛbi! Wa maa ngɔ wa lohwe ɔmɛ hu kɛ ho; wa be lohwe nane kokloto kake po sie ngɛ se. Lohwe nɛ ɔmɛ ekomɛ waa kɛ ma ja Yawɛ, wa Mawu ɔ nɛ; lohwe pɔtɛɛ nɛ waa kɛ maa sã bɔ ha Yawɛ ɔ, wa be lee, ja wa ya su lejɛ ɔ lolo.”

Mose II, 5:1

Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Mose II, 5:3

A ha lɛ heto ke, “Hebri bi ɔmɛ a Mawu ɔ ba je e he kpo ngɔ tsɔɔ wɔ. Lɔ ɔ he ɔ, wa kpa mo pɛɛ, mo ha nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ. Ke wa pee we ja a, e kɛ gbenɔ hiɔ maa gbe wɔ, loo e ma ha nɛ a gbe wɔ ngɛ ta mi.”