Mose II, 8:26 - BAIBLO ALOO NGMAMI KLƆUKLƆU Ɔ

²⁶ Se Mose de Farao ɔ ke, “E be dae kaa waa pee ja, ejakaa níhi nɛ waa kɛ maa sã bɔ ha Yawɛ, wa Mawu ɔ, Egipt bi hiɔ. Ke wa ngɔ Egipt bi ɔmɛ a kɔ níhi kɛ sã bɔ ngɛ a hɛ mi ɔ nɛɛ, a be wɔ tɛ fiae lo?

Mose II, 8:26 ပူးပေါင်းရင်းမြစ်များ

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”

Mose I, 43:32

A to okplɔɔ munomuno etɛ: Yosef nɔ́ kake, e nyɛmimɛ ɔmɛ a nɔ́ kake, kɛ Egipt bi nɛ ngɛ lejɛ ɔ, mɛ hu a nɔ kake. A pee ja, ejakaa Egipt bi kɛ Hebri bi ka we nine kɛ yi ní; a hiee Hebri bi ɔmɛ.

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Mose II, 3:18

“A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 8:8

Kɛkɛ nɛ Farao ɔ, tsɛ Mose kɛ Aaron nɛ e de mɛ ke, “Nyɛ kpa Yawɛ pɛɛ nɛ e je ovɔnɔ ɔmɛ kɛ je i kɛ ye ma mi bi ɔmɛ wa nɔ, konɛ ma ha nyɛ we bi ɔmɛ nɛ a ho nɛ a ya sã bɔ ha Yawɛ.”