Mose II, 8:22 - BAIBLO ALOO NGMAMI KLƆUKLƆU Ɔ

²² Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

Mose II, 8:22 ပူးပေါင်းရင်းမြစ်များ

Mose II, 9:4

Ma gba Israel bi ɔmɛ kɛ Egipt bi ɔmɛ a lohwe ɔmɛ a mi, nɛ Israel bi ɔmɛ a ní ɔmɛ lɛɛ ekoeko be gboe.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Mose II, 10:23

Nɔ ko nɔ ko nɛ e nyɛmi, nɛ nɔ ko nɔ ko ti si kɛ ji he nɛ e ngɛ ɔ ligbi etɛ. Se Israel bi ɔmɛ lɛɛ je mi tsɔ ha mɛ ngɛ a hi he ɔmɛ.

Ezekiel 30:19

Ke i gbla Egipt tue wawɛɛ kikɛ nɛ ɔ, kɛkɛ ɔ, a maa le kaa imi ji Yawɛ.”

Mose II, 9:6

E nɔ jena a, Yawɛ pee kaa bɔ nɛ e de ɔ. Egipt bi ɔmɛ a lohwe ɔmɛ tsuo gbo; se Israel bi ɔmɛ a ní ɔmɛ lɛɛ kake ngmelu po gbo we.

La 110:2

Yawɛ ma ha mo he wami kpetekpleenyɛ kɛ je Zion. E ma de mo ke, “Ye o he nyɛli ɔmɛ a nɔ.”

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Mose II, 9:29

Mose de lɛ ke, “Ke i je ma a mi pɛ ma wo ye nine nɔ ngɔ tsɔɔ Yawɛ. Hiɔwe simi ɔ se maa po, nɛ gbiɛ ngo ngu ɔ be nɛe hu, konɛ o na nɛ o le kaa Yawɛ nɔ́ ji je ɔ nɛ.

Mose II, 9:26

Se Goshen zugba a nɔ he nɛ Israel bi ɔmɛ ngɛ ɔ lɛɛ gbiɛ ngo ngu kake po nɔɛ lejɛ ɔ.

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

Mose II, 7:17

Bɔ nɛ Yawɛ de ji nɛ ɔ nɛ: ‘Enɛ ɔ a kɛ maa le kaa imi ji Yawɛ. Ma wo tso nɛ ngɛ ye dɛ mi ɔ kɛ fia Nilo pa a, nɛ nyu ɔ ma plɛ muɔ.

La 74:12

Se Mawu, kɛ je blema lokoo ɔ, mo ji wa matsɛ; o he wa yi wami be babauu.

Mose II, 7:5

Ke i pee ní nɛ ɔmɛ loko Egipt bi ɔmɛ maa le kaa imi ji Yawɛ.”

Mose II, 8:21

Se ke o ha we nɛ ye ma a nɛ ya a, ma ha nɛ pwɔlwɛhi maa bungɔ mo, kɛ o tsɔli ɔmɛ, kɛ o ma mi bi ɔmɛ tsuo. Nɛ mo nitsɛ o we ɔ mi, Egipt bi ɔmɛ a we ɔmɛ a mi, kɛ nyɛ zugba a nɔ tsuo ma hyi kɛ pwɔlwɛhi.

Mose II, 8:23

Ma gba ye we bi ɔmɛ, kɛ o we bi ɔmɛ a kpɛti. Ma to okadi nɛ ɔ hwɔɔmɛ a je hwɔɔ.’ ”

Mose II, 19:5

Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

Mose II, 20:11

ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

Mose I, 46:34

nyɛ de lɛ ke, ‘Kɛ je wa nihe mi kɛ ba si mwɔnɛ nɛ ɔ, lohwe wa lɛɛ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.’ Ke nyɛ de lɛ ja a, e ma ha nɛ nyɛɛ hi Goshen zugba a nɔ; ejakaa Egipt bimɛ hiee lohwe lɛli.”