Mose II, 8:15 - BAIBLO ALOO NGMAMI KLƆUKLƆU Ɔ

¹⁵ Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

Mose II, 8:15 ပူးပေါင်းရင်းမြစ်များ

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.

Hebribi 3:15

Kaa bɔ nɛ ngmami ɔ deɔ ɔ, “Mwɔnɛ ɔ, ke nyɛ nu e gbi ɔ, nyɛ ko wa tue kaa bɔ nɛ nyɛ nɛmɛ ɔmɛ pee benɛ a tsɔ Mawu hɛ mi atuã a.”

Hebribi 3:8

nyɛ ko wa tue kaa bɔ nɛ nyɛ nɛmɛ ɔmɛ pee ngɛ nga a nɔ benɛ a tsɔ atuã, nɛ a ka Mawu ɔ.

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Mose II, 7:4

Enɛ ɔ se ɔ, ma nu Egipt kã nya, nɛ ma kpaka ye ma kpekpemi ɔ nɛ ji Israel bi ɔmɛ kɛ je Egipt zugba a nɔ; nɛ ma ye dami sane ha nyɛ.

Mose II, 14:5

Benɛ a ya bɔ Egipt matsɛ ɔ ke ni ɔmɛ tu fo kɛ je ɔ, Farao ɔ kɛ e tsɔli ɔmɛ tsake a juɛmi ngɛ Israel bi ɔmɛ a he, nɛ a de ke, “Mɛni wa pee nɛ ɔ, kaa wa ngmɛɛ Israel bi ɔmɛ a he nɛ a ho nɛ a be wɔ sɔmɔe hu nɛ ɔ?”

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Kpojemi 16:9

Pu la nɛ nya wa a sãã mɛ saminya, nɛ a tu musu bɔmi munyuhi kɛ si Mawu, nɔ nɛ ngɛ he wami ngɛ kikɛmɛ a haomi nɛ ɔmɛ a nɔ ɔ. Se a tsakee we a tsui, konɛ a wo Mawu hɛ mi nyami.

Hosea 6:4

Se Yawɛ ke, “Israel kɛ Yuda, kɛ ma pee nyɛ kɛɛ? Suɔmi nɛ nyɛ ngɛ kɛ ha mi ɔ ngɛ kaa afua nɛ wo mɔtu, loo bɔ́ nɛ́ nɛ; bɔɔ kɛkɛ e se po.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Mose II, 8:8

Kɛkɛ nɛ Farao ɔ, tsɛ Mose kɛ Aaron nɛ e de mɛ ke, “Nyɛ kpa Yawɛ pɛɛ nɛ e je ovɔnɔ ɔmɛ kɛ je i kɛ ye ma mi bi ɔmɛ wa nɔ, konɛ ma ha nyɛ we bi ɔmɛ nɛ a ho nɛ a ya sã bɔ ha Yawɛ.”

Mose II, 8:14

Nɛ a bua a nya glekugleku ngɔ pue si, nɛ zugba a nɔ je fu.

Mose II, 8:16

Kɛkɛ nɛ Yawɛ de Mose ke, “De Aaron nɛ e ngɔ e tso ɔ kɛ fia tabo zu ɔ nɔ, nɛ tabo zu ɔ ma plɛ pee pwɔmi ngɛ Egipt zugba a tsuo nɔ.”

Mose II, 8:28

Kɛkɛ nɛ Farao ɔ de mɛ ke, “Yoo, ma ha nyɛ blɔ nɛ nyɛɛ ya nɛ nyɛ ya sã bɔ ha Yawɛ, nyɛ Mawu ɔ ngɛ nga a nɔ; se nyɛ ko ya tsitsaa. Jehanɛ hu, nyɛ kpa pɛɛ ha mi.”

Mose II, 8:29

Mose de lɛ ke, “Ke i je o ngɔ pɛ i yaa nɛ ma ya kpa Yawɛ pɛɛ, konɛ hwɔɔmɛ a je hwɔɔ ɔ, pwɔlwɛ ɔmɛ nɛ a jɔɔ mo, o tsɔli ɔmɛ, kɛ o ma mi bi ɔmɛ bungɔmi. Sisimi kɛkɛ nɛ Farao ɔ ko sisi wɔ hu kaa e maa tsi ma a nya nɛ a ko ya nɛ a ya sã bɔ ha Yawɛ.”

Mose II, 8:32

Se Farao ɔ kplii e tsui ekohu, nɛ e ngmɛɛ we Israel bi ɔmɛ a he nɛ a ho.

Samuel I, 6:6

Mɛni he je nyɛ maa kplii nyɛ tsui kaa bɔ nɛ Egipt bi ɔmɛ, kɛ Farao ɔ kplii a tsui ɔ? Nyɛ kai kaa Mawu kɛ Egipt bi ɔmɛ to ní wawɛɛ nitsɛ kɛ ya si be nɛ a ngmɛɛ Israel bi ɔmɛ a he nɛ a ho.

Abɛ Womi 26:11

Kuasia nɛ kpaleɔ ya jeɔ kuasia si enyɔne ɔ, e ngɛ kaa gbe nɛ kpaleɔ ya yeɔ lɛ nitsɛ e vie ekohu.

Samuel I, 6:3

A he nɔ ke, “Ke nyɛɛ kɛ Israel Mawu ɔ somi daka a maa ya a, nyɛɛ kɛ lɛ ko ya dɛ gu; e hia doo kaa nyɛɛ ngɔ fɔ yemi bɔ kɛ ya nɛ nyɛ ya kpata lɛ. Ke nyɛ pee ja loko nyɛ ma na he wami, kɛkɛ nyɛ maa le nɔ́ nɛ he je nɛ Mawu ngɛ nyɛ tue gblae ɔ.”

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”

Samuel I, 6:12

Kɛkɛ nɛ na amɛ ma Bet Shemesh blɔ ɔ nɔ tɛ̃ɛ̃ kɛ ho; a gba we a hiɔ nɔ, loo a muɔ nɔ; nɛ benɛ a yaa a tsuo a ngɛ pɛe muu muu ngɛ blɔ ɔ nɔ. Filisti matsɛmɛ enuɔ ɔmɛ nyɛɛ a se kɛ ya si Bet Shemesh huzu ɔ nya.