Mose II, 7:5 - BAIBLO ALOO NGMAMI KLƆUKLƆU Ɔ

⁵ Ke i pee ní nɛ ɔmɛ loko Egipt bi ɔmɛ maa le kaa imi ji Yawɛ.”

Mose II, 7:5 ပူးပေါင်းရင်းမြစ်များ

La 138:7

Ke i ngɛ amanehlu mi ɔ, mo lɛ o jeɔ mi kɛ jeɔ mi. Ke ye he nyɛli kɛ abofu ba na mi ɔ, o kɛ mɛ kpee, nɛ o kɛ o he wami kpetekpleenyɛ ɔ heɔ ye yi wami.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose II, 10:7

Farao ɔ tsɔli ɔmɛ de lɛ ke, “Mɛni be po nyumu nɛ ɔ maa jɔɔ wɔ haomi? Ha nɛ e ni ɔmɛ nɛ a ho nɛ a ya ja Yawɛ, a Mawu ɔ. Anɛ o nɛ kɛ mwɔɔ kaa Egipt hɛ mi ngɛ kpatae lo?”

Mose II, 14:18

Nɛ ke i ye Farao ɔ kɛ e ta zugba lɛ ɔmɛ, kɛ e we okpɔngɔ ta buli ɔmɛ nɔ ɔ, Egipt bi ɔmɛ maa le kaa imi ji Yawɛ.”

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose II, 18:8

Mose bɔ e ngatsɛ ɔ a blɔ hiami ɔ mi sanehi tsuo: níhi nɛ Yawɛ pee Farao ɔ kɛ Egipt bi ɔmɛ nɛ e kɛ kpɔ Israel bi ɔmɛ, a blɔ hiami ɔ mi pɔtɔ kɛ dengme, kɛ bɔ nɛ Yawɛ je mɛ kɛ je kulaa mi.

Mose II, 3:20

Lɔ ɔ he ɔ, ma ngɔ ye nyakpɛ níhi tsuo nɛ ma pee ngɛ a kpɛti ɔ kɛ fia mɛ ní kɛ tsɔɔ mɛ ye nine si wami. Enɛ ɔ se ɔ, e maa ngmɛɛ nyɛ he.

Mose II, 6:1

Kɛkɛ nɛ Yawɛ de Mose ke, “Kpaako loko o maa na nɔ́ nɛ ma pee Farao ɔ, ejakaa lɛ nitsɛ e kɛ e he wami maa fie Israel bi ɔmɛ kɛ maa je e zugba a nɔ.”

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 7:17

Bɔ nɛ Yawɛ de ji nɛ ɔ nɛ: ‘Enɛ ɔ a kɛ maa le kaa imi ji Yawɛ. Ma wo tso nɛ ngɛ ye dɛ mi ɔ kɛ fia Nilo pa a, nɛ nyu ɔ ma plɛ muɔ.

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

Mose II, 8:19

Kɛkɛ nɛ wɔnɔ ɔmɛ de Farao ɔ ke, “Mawu nɔ́ peepee ji nɛ ɔ nɛ.” Se kɛ̃ Farao ɔ kplii e tsui; nɛ kaa bɔ nɛ Yawɛ de ɔ, e bui mɛ tue.

Mose II, 8:22

Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

Ezekiel 25:17

Ma gbla a tue wawɛɛ nitsɛ. Ma ngɔ abofu kɛ gbla a tue, nɛ a maa nu he. Lɔ ɔ loko a maa le kaa imi ji Yawɛ.”

Ezekiel 28:22

De mɛ ke imi Nyɔmtsɛ Yawɛ, i ke i kɛ mɛ ná. Je ma amɛ maa wo ye hɛ mi nyami ngɛ nɔ́ nɛ ma pee Sidon ma a he. Ma gbla Sidon tue, konɛ a na bɔ nɛ i ngɛ klɔuklɔu ha. Kɛkɛ ɔ, a maa le kaa imi ji Yawɛ.

Ezekiel 32:15

Ke i kpata Egipt ma a, kɛ e mi níhi, kɛ nimli tsuo nɛ ngɛ lejɛ ɔ a hɛ mi kikɛ ɔ, kɛkɛ a maa le kaa imi ji Yawɛ.

Ezekiel 36:23

Ye biɛ ɔ nɛ nyɛ ble ngɛ je ma amɛ a kpɛti ɔ, ma pee lɛ klɔuklɔu. Kɛkɛ ɔ, je ma amɛ maa le kaa imi ji Yawɛ. Imi, Nyɔmtsɛ Yawɛ lɛ i de. Ma gu nyɛ, ye ma a nyɛ nɔ kɛ tsɔɔ je ma amɛ kaa nɔ klɔuklɔu ji mi.

Ezekiel 39:22

Nɛ kɛ je jamɛ a ligbi ɔ kɛ yaa a, Israel bi ɔmɛ maa le kaa imi ji Yawɛ, a Mawu ɔ nɛ.

Ezekiel 39:7

Ma ha ye ma Israel maa le ye biɛ klɔuklɔu ɔ; nɛ i be hae nɛ a ble ye biɛ nɛ he tsɔ ɔ hu. Kɛkɛ ɔ, je ma amɛ tsuo maa le kaa imi Yawɛ ji Israel Mawu Klɔuklɔu ɔ nɛ.”