Mose II, 7:23 - BAIBLO ALOO NGMAMI KLƆUKLƆU Ɔ

²³ Farao ɔ plɛ e he nɛ e ho we mi ya; enɛ ɔ kulaa pue we e tsui nɔ.

Mose II, 7:23 ပူးပေါင်းရင်းမြစ်များ

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Habakuk 1:5

Kɛkɛ nɛ Yawɛ de e ma a ke, “Nyɛɛ hyɛ je ma amɛ nɛ bɔle nyɛ kɛ kpe ɔ; nyɛ maa na nyakpɛ níhi nɛ ma ha nyɛ he mi maa po. Ejakaa ma tsu ní tsumi ko ngɛ nyɛ be nɛ ɔ mi nɛ ke a sɛɛ ha nyɛ ɔ, nyɛ be hee maa ye.

Ezekiel 40:4

E de mi ke, “Nɔmlɔ adesa, bli o hɛngmɛ nɛ o hyɛ nɔ́ saminya; ta tue nɛ o nu nɔ́ tsuaa nɔ́ pɛpɛɛpɛ, nɛ o ngɔ o juɛmi kɛ fɔ nɔ́ tsuaa nɔ́ nɛ ma tsɔɔ mo ɔ nɔ; ejakaa a ngɔ mo kɛ ba hiɛmɛ nɛ ɔ, bɔ nɛ pee nɛ ma ngɔ ní nɛ ɔmɛ kɛ tsɔɔ mo. Nɔ́ tsuaa nɔ́ nɛ o maa na a, yaa nɛ o ya de Israel ma a.”

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Abɛ Womi 24:32

I hyɛ nɔ́ nɛ ɔ too; i susu he, nɛ i kase ní kɛ je mi.

Abɛ Womi 22:17

Bu tue, nɛ o nu munyuhi nɛ ní leli tuɔ, nɛ o kase ní kɛ je mi.

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

Hiob 7:17

Mɛnɔ ji nɔmlɔ adesa, loko e he hia mo kikɛ nɛ ɔ? Mɛnɔ ji lɛ, loko o susuɔ e he kikɛ nɛ ɔ?

Samuel I, 4:20

Benɛ e maa ho gbomi ya a, yi ɔmɛ nɛ daa si ngɛ e he ɔ de lɛ ke, “Koo ye gbeye! O fɔ binyumu!” Se e pui a nya mi, nɛ e ha we mɛ heto hulɔ.

Mose V, 32:46

e slɔ mɛ ke, “Nyɛɛ hyɛ saminya nɛ nyɛɛ ye mlaa nɛ ɔmɛ tsuo nɛ i ngɛ nyɛ woe mwɔnɛ ɔ a nɔ. Nyɛɛ tsɔɔ nyɛ bimɛ ɔmɛ, konɛ a ye Mawu mlaa amɛ tsuo a nɔ pɛpɛɛpɛ.

Mose II, 9:21

Se ni nɛmɛ nɛ bui Yawɛ munyu ɔ, mɛɛ lɛɛ a si a nyɔguɛ ɔmɛ, kɛ a lohwe ɔmɛ ngɛ nga nɔ.

Mose II, 7:22

Egipt kunya yeli ɔmɛ gu a ga blɔ ɔmɛ a nɔ nɛ a pee ja nɔuu. Se Farao ɔ lɛɛ e kplii e tsui kaa sa a. Nɛ kaa bɔ nɛ Yawɛ de ngɔ to ɔ, e bui mɛ tue fɛɛ.

Mose II, 7:24

Egipt bi ɔmɛ tsua vuhi ngɛ Nilo pa a tue nɛ́ a na nyu nɛ a nu; ejakaa Nilo pa a nitsɛ mi nyu ɔ lɛɛ e hi numi saasaa.

Mose II, 9:20

Farao ɔ tsɔli ɔmɛ a ti ni nɛmɛ nɛ ya ye Yawɛ munyu ɔ gbeye ɔ ha nɛ a nyɔguɛ ɔmɛ, kɛ a lohwe ɔmɛ tu fo kɛ ba we mi.

Abɛ Womi 28:14

A gbaa nɔ nɛ yeɔ Yawɛ gbeye daa. Se nɔmlɔ nɛ tue wa a, lɛɛ haomi maa ba e nɔ.

Yesaya 47:7

E pee mo kaa o maa ye manyɛ daa, lɔ ɔ he ɔ, o susuu we ní nɛ ɔmɛ a he, bɔ nɛ a nyagbe maa ba ha hu, o bui.