Mose II, 7:19 - BAIBLO ALOO NGMAMI KLƆUKLƆU Ɔ

¹⁹ Yawɛ kpale de Mose ke, “De Aaron ke, ‘Ngɔɔ o tso ɔ, nɛ o kpã o nine mi ngɛ Egipt pa amɛ, nyu dɔ ɔmɛ, kɛ taku ɔmɛ tsuo a nɔ, nɛ a mi nyu ɔ kulaa ma plɛ pee muɔ. A maa na muɔ ngɛ he tsuaa he ngɛ Egipt, ngɛ tso buɛhi, kɛ tɛ buɛhi a mi.’ ”

Mose II, 7:19 ပူးပေါင်းရင်းမြစ်များ

Mose I, 1:10

Mawu wo he nɛ gbli ɔ biɛ ke “Zugba”, nɛ nyu ɔ nɛ bua e he nya a, e tsɛ lɛ ke “Wo”. Mawu na, nɛ e muɔ e hɛ.

Matsɛmɛ II, 4:29

Elisha de Gehazi ke, “Esɔ! Moo mia! Ngɔɔ ye dɛma tso ɔ nɛ o ho! Ke o kɛ nɔ ko kpe ngɛ blɔ ɔ nɔ ɔ, ko nga lɛ; ke nɔ ko nga mo ɔ, ko he nɔ. Yaa tɛɛ, nɛ o ya wo ye dɛma tso ɔ nɔ ngɛ jokuɛ ɔ hɛ mi.”

Mose II, 10:12

Yawɛ de Mose ke, “Wo o nine nɔ ngɛ Egipt zugba a nɔ, nɛ́ baalɛhi nɛ a pue Egipt zugba a nɔ, nɛ a ba ye zugba a nɔ tso kɛ nga, kɛ nɔ́ tsuaa nɔ́ nɛ gbiɛ ngo ngu ɔ si ɔ.”

Mose II, 10:21

Yawɛ de Mose ke, “Wo o nine nɔ kɛ tsɔɔ hiɔwe, konɛ diblii kpii nɛ wo ngɛ Egipt zugba a nɔ.”

Mose II, 14:16

Wo o tso ɔ nɔ nɛ o kpã o nine mi ngɛ wo ɔ nɔ, nɛ o dla e mi enyɔ, konɛ Israel bi ɔmɛ nɛ a nyɛɛ zugba gbigbli nɔ kɛ po wo ɔ.

Mose II, 14:21

Kɛkɛ nɛ Mose wo e nine nɔ ngɛ wo ɔ nɔ, nɛ Yawɛ ha kɔɔhiɔ nguaa ko fia kɛ je beleku jamɛ a nyɔ ɔ mi tsuo kɛ tsɛ̃ wo ɔ kɛ ya se. Nɛ wo ɔ mi gba enyɔ hiɛ kɛ hiɛ, nɛ e kpɛti ɔ plɛ pee zugba gbigbli.

Mose II, 14:26

Kɛkɛ nɛ Yawɛ de Mose ke, “Mo wo o nine nɔ ngɛ wo ɔ nɔ, konɛ nyu ɔ nɛ kpale ku pue Egipt bi ɔmɛ, kɛ a ta zugba lɛ ɔmɛ, kɛ a we okpɔngɔ ta buli ɔmɛ a nɔ.”

Mose II, 4:9

Nɛ ke a he we okadi enyɔ ɔmɛ yi, nɛ jehanɛ hu a bui mo tue ɔ, lɛɛ o ma ya yɛ nyu ngɛ Nilo pa a mi, nɛ o ma plɛ pue zugba gbigbli nɔ, nɛ Nilo pa a mi nyu ɔ ma plɛ pee muɔ ngɛ zugba a.”

Mose II, 8:16

Kɛkɛ nɛ Yawɛ de Mose ke, “De Aaron nɛ e ngɔ e tso ɔ kɛ fia tabo zu ɔ nɔ, nɛ tabo zu ɔ ma plɛ pee pwɔmi ngɛ Egipt zugba a tsuo nɔ.”

Mose II, 9:33

Jehanɛ ɔ, Mose si Farao ɔ, nɛ e je ma a mi, nɛ e wo e nine nɔ, nɛ e fa kue ha Yawɛ. Kɛkɛ nɛ hiɔwe simi ɔ, kɛ gbiɛ ngo ngu nɛmi ɔ se po, nɛ hiɔmi ɔ hu kpa.

Yesaya 19:10

A ma kpata ma a mi nimeli ɔmɛ tsuo a hɛ mi, nɛ apaa yeli ɔmɛ maa ye kɔmɔ.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Habakuk 3:8

Yawɛ, anɛ pa amɛ lɛ a wo o mi mi la a lo? Aloo wo ɔ lɛ ha o hɛ dɔ, benɛ o hi bɔku ɔmɛ a nɔ kɛ nyɛɛ kaa ta zugba lɛ kɛ ya ye kunimi ɔ?