Mose II, 7:17 - BAIBLO ALOO NGMAMI KLƆUKLƆU Ɔ

¹⁷ Bɔ nɛ Yawɛ de ji nɛ ɔ nɛ: ‘Enɛ ɔ a kɛ maa le kaa imi ji Yawɛ. Ma wo tso nɛ ngɛ ye dɛ mi ɔ kɛ fia Nilo pa a, nɛ nyu ɔ ma plɛ muɔ.

Mose II, 7:17 ပူးပေါင်းရင်းမြစ်များ

Matsɛmɛ I, 20:28

Gbalɔ ko ba Matsɛ Ahab ngɔ nɛ e ba de lɛ ke, “Bɔ nɛ Yawɛ de ji nɛ ɔ nɛ: ‘Akɛnɛ Siria bi ɔmɛ de ke Yawɛ ɔ, mawu nɛ hii yokuhi a nɔ ji lɛ, se pi mawu nɛ hii nga nɔ ji lɛ he je ɔ, ma ngɔ nimli kpekpemi nɛ ɔmɛ tsuo kɛ wo o dɛ mi, nɛ o kɛ o ma a ma ná maa le kaa imi ji Yawɛ.’ ”

Matsɛmɛ II, 19:19

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

La 105:29

E ha nɛ a pa amɛ tsuo plɛ pee muɔ, nɛ a mi lo ɔmɛ tsuo gbo.

La 78:44

E ha nɛ pa amɛ plɛ pee muɔ, nɛ Egipt bi ɔmɛ nɛ nyu nɛ a nu.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

Mose II, 1:22

Kɛkɛ nɛ Farao ɔ wo e ma mi bi ɔmɛ tsuo mlaa ke, “Binyumu tsuaa binyumu nɛ Hebri no ko ma fɔ ɔ, nyɛ ya sake lɛ ngɔ fɔ Nilo pa a mi; se biyo tsuaa biyo lɛɛ nyɛ ha nɛ e yi nɛ na wami.”

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose II, 4:9

Nɛ ke a he we okadi enyɔ ɔmɛ yi, nɛ jehanɛ hu a bui mo tue ɔ, lɛɛ o ma ya yɛ nyu ngɛ Nilo pa a mi, nɛ o ma plɛ pue zugba gbigbli nɔ, nɛ Nilo pa a mi nyu ɔ ma plɛ pee muɔ ngɛ zugba a.”

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Mose II, 7:20

Nɛ kaa bɔ nɛ Yawɛ fa Mose kɛ Aaron ke a pee ɔ, Aaron wo tso ɔ nɔ nɛ e kɛ fia Nilo pa a hɛ mi ngɛ Farao ɔ kɛ e tsɔli ɔmɛ tsuo a hɛ mi. Nyu ɔ tsuo plɛ pee muɔ.

Mose II, 7:5

Ke i pee ní nɛ ɔmɛ loko Egipt bi ɔmɛ maa le kaa imi ji Yawɛ.”

Ezekiel 25:17

Ma gbla a tue wawɛɛ nitsɛ. Ma ngɔ abofu kɛ gbla a tue, nɛ a maa nu he. Lɔ ɔ loko a maa le kaa imi ji Yawɛ.”

Ezekiel 29:9

Nɔ ko nɔ ko be Egipt zugba a nɔ hie hu; zugba a maa pee ma doku nɛ e maa fɔ si gu. Lɔ ɔ loko a maa le kaa imi ji Yawɛ. “Akɛnɛ o ke Nilo pa a o nɔ́, nɛ́ mo nitsɛ lɛ o pee he je ɔ,

Ezekiel 30:19

Ke i gbla Egipt tue wawɛɛ kikɛ nɛ ɔ, kɛkɛ ɔ, a maa le kaa imi ji Yawɛ.”

Ezekiel 30:8

Ke i mɛ Egipt he la, nɛ i kpata e he piɛli ɔmɛ a hɛ mi ɔ, kɛkɛ a maa le kaa imi ji Yawɛ.

Ezekiel 32:15

Ke i kpata Egipt ma a, kɛ e mi níhi, kɛ nimli tsuo nɛ ngɛ lejɛ ɔ a hɛ mi kikɛ ɔ, kɛkɛ a maa le kaa imi ji Yawɛ.

Ezekiel 32:6

O muɔ ma pue si ngɛ zugba kɛ maa su benɛ yo ɔmɛ a nɔ tsuo ma pee kpɔtɔɔ, nɛ nyu dɔ ɔmɛ ma hyi kɛ o muɔ.

Ezekiel 38:23

Ke e ba mi kikɛ nɛ ɔ, je ma amɛ tsuo maa na kaa i kle, nɛ i ngɛ klɔuklɔu. Kɛkɛ ɔ, a maa le jehanɛ kaa imi ji Yawɛ.”

Ezekiel 39:28

Kɛkɛ ɔ, ye ma a maa le kaa imi ji Yawɛ, a Mawu ɔ nɛ. A maa le enɛ ɔ; ejakaa imi nitsɛ lɛ i ha a ngɔ mɛ kɛ ho ma se ya kaa nyɔguɛhi ɔ nɛ. Se jehanɛ lɛɛ i bua a nya, nɛ i kpale mɛ kɛ ba mɛ nitsɛmɛ a zugba nɔ, nɛ e píɛ a ti nɔ ko nɔ ko ngɛ ma se.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Daniel 5:21

A fie lɛ kɛ je nimlihi a kpɛti, nɛ e juɛmi pee kaa pu mi lohwe juɛmi. E ya hi nga mi tejihi a kpɛti. E kpe nga kaa na; e hwɔ pu mi, nɛ bɔ́ nɛɛ lɛ hluu. Nyagbe ɔ, e ba kplɛɛ kaa Hiɔwe No Mawu ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

Kpojemi 8:8

Kɛkɛ nɛ bɔfo enyɔne ɔ kpa e titimati ɔ, nɛ a sake nɔ́ ko nɛ ngɛ kaa yo nguaa ko nɛ ngɛ tsoe ngɔ fɔ wo ɔ mi. Wo ɔ mi dlami etɛ mi kake plɛ muɔ.