Mose II, 6:8 - BAIBLO ALOO NGMAMI KLƆUKLƆU Ɔ

⁸ Ma ngɔ nyɛ kɛ ya zugba nɛ i wo si kaa i kɛ ma ha Abraham, Isak, kɛ Yakob ɔ nɔ; ma ngɔ kɛ ha nyɛ, nɛ e maa pee nyɛ nitsɛmɛ nyɛ nɔ. Imi Yawɛ nɛ i de.’ ”

Mose II, 6:8 ပူးပေါင်းရင်းမြစ်များ

Mose I, 14:22

Abram he nɔ ke, “I na Mawu Hiɔwe No ɔ, nɔ nɛ pee hiɔwe kɛ zugba a,

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 35:12

Zugba a nɛ i ngɔ kɛ ha Abraham kɛ Isak ɔ, i kɛ ma ha mo kɛ o nina.”

Nehemia 9:15

“Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose II, 6:2

Mawu kɛ Mose tu munyu nɛ e de lɛ ke, “Imi ji Yawɛ ɔ nɛ.

Mose II, 6:4

Jehanɛ se hu, i kɛ mɛ so kaa Kanaan zugba a nɛ a ya to nubwɔ ngɛ nɔ ɔ, ma ngɔ kɛ ha mɛ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Ezekiel 20:15

Jehanɛ hu, i ka mɛ kita ngɛ nga a nɔ ke zugba kpakpa nɛ baa ní saminya, nɛ e ngɛ fɛu pe kulaa nɛ i ngɔ ha mɛ ɔ, i kɛ mɛ be lejɛ ɔ yae hu,

Ezekiel 20:23

Lɔ ɔ he ɔ, i kpale wo si ekohu ngɛ nga a nɔ. I ka kita ke ma gbɛ ye ma a ngɔ fĩa je ma amɛ a kpɛti ngɛ je ɔ mi tsuo.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Ezekiel 20:42

Zugba a nɛ i ka nyɛ nɛmɛ ɔmɛ kita ke ma ngɔ kɛ ha mɛ ɔ, ke i ngɔ nyɛ kɛ ba nɔ ɔ, kɛkɛ nyɛ ma na maa le kaa niinɛ, imi ji Yawɛ.

Ezekiel 36:7

Lɔ ɔ he ɔ, imi Nyɔmtsɛ Yawɛ, i ngɛ kita kae ke ma ba mɛ si kulaa, konɛ zo nɛ gbe mɛ kpɔtɔɔ.

Ezekiel 47:14

I wo nyɛ nɛmɛ ɔmɛ si ke ma ngɔ zugba nɛ ɔ kɛ ha mɛ, lɔ ɔ he ɔ, nyɛɛ dla lɛ pɛpɛɛpɛ ha nyɛ he, nɛ e pee nyɛ weto ní.

Mose IV, 10:29

Kɛkɛ nɛ Mose de e ngatsɛ Yetro, Midian no ɔ bi Hobab ke, “Wa ngɛ hiae kɛ yaa he nɛ Yawɛ de to ke e ma ha wɔ ɔ. Yawɛ nitsɛ wo Israel ní kpakpahi a he si. Lɔ ɔ he ɔ, ha waa ho nɛ waa kɛ mo ya ye wa kplɔkɔtɔ ɔ.”

Mose IV, 11:12

Imi lɛ i ngɔ nimli nɛ ɔmɛ tsuo a hɔ? Imi lɛ i fɔ mɛ, loko o deɔ mi ke ma hɛɛ mɛ ngɛ ye mi si kaa bimɛanyɛ hɛɛɔ bimwɔyo, kɛ ya zugba nɛ o ka kita ke o maa ngɔ kɛ ha a tsɛmɛ ɔmɛ ɔ nɔ ɔ?

Mose IV, 14:30

a ti nɔ kake be zugba a nɛ i ka kita ke i kɛ ma ha nyɛ nɛ nyɛɛ hi nɔ ɔ nae, ja Yefune bi Kaleb, kɛ Nun bi Yoshua pɛ.

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Mose V, 32:40

Be abɔ nɛ imi ji Mawu nɛ ngɛ kɛ yaa neneene nɛ ɔ, i wo ye nine nɔ, nɛ i ngɛ kita kae kaa

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Yoshua 24:13

I ha nyɛ zugba nɛ́ nyɛ gbo we he dengme ko, kɛ mahi nɛ pi nyɛ nɛ nyɛ po. Amlɔ nɛ ɔ, nyɛ ngɛ lejɛ ɔ, nɛ nyɛ ngɛ wai ngmɔ ɔmɛ, kɛ oliv ngmɔ ɔmɛ nɛ pi nyɛ nɛ nyɛ tsu a he ní ɔ a mi ní yee.’ ”

Kpojemi 10:6

nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!

Samuel I, 15:29

Mawu nɛ ji Israel hɛ mi nyami ɔ, e yi lakpa, nɛ e tsakee we e yi mi tomi hulɔ; ejakaa tsa pi nɔmlɔ ji lɛ nɛ e ma tsake e yi mi tomi.”