Mose II, 6:26 - BAIBLO ALOO NGMAMI KLƆUKLƆU Ɔ

²⁶ Aaron kɛ Mose nɛ ɔ ji nihi nɛ Yawɛ de mɛ ke a ya nɛ a ya kpaka Israel ma kpekpemi ɔ kɛ je Egipt zugba a nɔ kɛ ba a nɛ.

Mose II, 6:26 ပူးပေါင်းရင်းမြစ်များ

Mose II, 12:51

Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Mose II, 12:17

Nyɛɛ ye Abolokplolo nyami be ɔ; ejakaa jamɛ a ligbi ɔ nɔ nɔuu nɛ i je nyɛ ma a wɛtso nya wɛtso nya kɛ je Egipt zugba a nɔ ɔ nɛ. Lɔ ɔ he ɔ, nyɛɛ ye ligbi nɛ ɔ, nɛ e pee nɔ́ ko nɛ fɔɔ si kaa mlaa ha nyɛɛ kɛ nyɛ nina kɛ maa ya neneene.

Mose II, 7:4

Enɛ ɔ se ɔ, ma nu Egipt kã nya, nɛ ma kpaka ye ma kpekpemi ɔ nɛ ji Israel bi ɔmɛ kɛ je Egipt zugba a nɔ; nɛ ma ye dami sane ha nyɛ.

Mose II, 6:13

Yawɛ de Mose kɛ Aaron ke, “Nyɛ ya de Israel ma a, kɛ Egipt matsɛ ɔ ke i fa nyɛ ke nyɛ ba kpaka Israel bi ɔmɛ kɛ je Egipt zugba a nɔ.”

Mose IV, 33:1

Sane nɛ ɔ gbaa wɔ he slɔɔtohi nɛ Israel bi ɔmɛ to si ngɛ benɛ Mose kɛ Aaron ngɔ mɛ wɛtso nya wɛtso nya kɛ je Egipt ɔ.

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

La 99:6

E we osɔfohi ji Mose, kɛ Aaron. Nihi nɛ fa kue ha lɛ ɔ, Samuel piɛ a he. Mɛ tsuo a fa kue ha lɛ, nɛ e bu mɛ tue.

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

Kronika I, 6:3

Amram binyumuhi ji Aaron kɛ Mose. E ngɛ biyo hu nɛ a tsɛɛ lɛ Miriam. Aaron binyumuhi ji Nadab, Abihu, Eleazar, kɛ Itamar.

Samuel I, 12:8

Benɛ Yakob kɛ e bimɛ ɔmɛ ya Egipt, nɛ Egipt bi ɔmɛ ngɛ mɛ yi mi wae ɔ, nyɛ nɛmɛ ɔmɛ fa kue ha Yawɛ, nɛ e tsɔ Mose kɛ Aaron nɛ a ya je mɛ kɛ je Egipt kɛ ba hiɛmɛ nɛ ɔ.

Samuel I, 12:6

Samuel ya nɔ nɛ e de ma a ke, “Yawɛ lɛ hla Mose kɛ Aaron, nɛ lɛ ji nɔ nɛ kpaka nyɛ nɛmɛ ɔmɛ kɛ je Egipt zugba a nɔ kɛ ba.

Yoshua 24:5

Pee se ɔ, i tsɔ Mose kɛ Aaron Egipt, nɛ i ha haomi nɛ nya wa ba Egipt nɔ. Se nyɛɛ lɛɛ i kpaka nyɛ kɛ je lejɛ ɔ;

Mose II, 32:11

Se Mose kpa Yawɛ, e Mawu ɔ pɛɛ, nɛ e de ke, “Yawɛ, mɛni he je o mi mi fu o ma a nɛ o kɛ he wami kpetekpleenyɛ, kɛ kɔni si wami kpaka mɛ kɛ je Egipt zugba a nɔ ɔ?

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 13:18

Lɔ ɔ he ɔ, Mawu kpaka mɛ kɛ ya lɔgɔ si kɛ gu nga nɔ blɔ ɔ ngɛ Wo Tsu ɔ he. Israel bi ɔmɛ dla a he kɛ ha ta, benɛ a hia kɛ je Egipt zugba a nɔ ɔ.

Mose II, 6:20

Amram ngɔ e tsɛ nyɛmiyo Yokebed, nɛ e kɛ lɛ fɔ Aaron kɛ Mose. Amram ye jeha 137.

Mose II, 6:7

Ma ngɔ nyɛ kɛ pee imi nitsɛ ye ma, nɛ ma pee nyɛ Mawu; nɛ nyɛ maa le kaa imi ji Yawɛ Mawu, nɔ nɛ je Egipt bi ɔmɛ a tlomi ɔmɛ kɛ je nyɛ nɔ ɔ.

Mose I, 2:1

Bɔ nɛ Mawu pee nɛ e kɛ bɔ hiɔwe kɛ zugba, kɛ nɔ́ tsuaa nɔ́ nɛ ngɛ je ɔ mi ji nɛ ɔ nɛ.

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.