Mose II, 6:25 - BAIBLO ALOO NGMAMI KLƆUKLƆU Ɔ

²⁵ Aaron bi Eleazar ngɔ Putiel biyi ɔmɛ a ti nɔ kake, nɛ e kɛ lɛ fɔ Finehas. Levi weku ɔmɛ ji nɛ ɔmɛ nɛ.

Mose II, 6:25 ပူးပေါင်းရင်းမြစ်များ

Yoshua 24:33

Aaron bi Eleazar hu ba gbo, nɛ a pu lɛ ngɛ Gibea ngɛ Efraim yo ɔ nɔ, he nɛ a ngɔ kɛ ha e binyumu Finehas ɔ.

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”

Yoshua 22:13

Israel bi ɔmɛ tsɔ osɔfo Eleazar binyumu Finehas kɛ ho Ruben wɛtso ɔ, Gad wɛtso ɔ, kɛ Manase wɛtso fa a a ngɔ ya ngɛ Gilead zugba a nɔ.

Mose IV, 31:6

Mose wo mɛ blɔ, nɛ osɔfo Eleazar bi Finehas kɛ mɛ ho ta a ya. Lɛ ji nɔ nɛ hɛɛ ní klɔuklɔu ɔmɛ, kɛ titimati ɔmɛ nɛ a kɛ ma hwɔ lele ɔ.

Mose IV, 26:57

Levi wɛtso ɔ, wekuhi nɛ ngɛ mi ji Gershon weku ɔ, kɛ a nyatsɛ Gershon; Kohat weku ɔ, kɛ a nyatsɛ Kohat; Merari weku ɔ, kɛ a nyatsɛ Merari.

Ezra 7:5

Buki tsɛ ji Abishua, Abishua tsɛ ji Finehas, Finehas tsɛ ji Eleazar, nɛ Eleazar tsɛ ji Aaron.