Mose II, 6:13 - BAIBLO ALOO NGMAMI KLƆUKLƆU Ɔ

¹³ Yawɛ de Mose kɛ Aaron ke, “Nyɛ ya de Israel ma a, kɛ Egipt matsɛ ɔ ke i fa nyɛ ke nyɛ ba kpaka Israel bi ɔmɛ kɛ je Egipt zugba a nɔ.”

Mose II, 6:13 ပူးပေါင်းရင်းမြစ်များ

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

La 91:11

Mawu ma ha nɛ e bɔfo ɔmɛ maa bu o he ngɛ he tsuaa he nɛ o maa ya.

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Mose IV, 27:23

Nɛ, kaa bɔ nɛ Yawɛ fa lɛ ɔ, Mose ngɔ e nine kɛ pue Yoshua yi mi; nɛ e ngɔ he wami ɔ ngɔ wo e dɛ kaa e se yelɔ.

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Mateo 4:6

nɛ e de lɛ ke, “Ke Mawu Bi ji mo ɔ, hlu kɛ ya ma zugba, ejakaa ngmami ɔ ke, ‘Mawu ma ha nɛ e bɔfo ɔmɛ maa bu o he. A maa hɛɛ mo ngɛ a dɛ mi, nɛ o nane tete po be tɛ sie.’ ”

Mose IV, 27:19

Ha nɛ e ba da si ngɛ osɔfo Eleazar, kɛ ma kpekpemi ɔ tsuo a hɛ mi, nɛ o to lɛ si kaa o se yelɔ.

Mose II, 6:12

Se Mose de Yawɛ ke, “O nɛ, Israel bi ɔmɛ po bui mi tue; kɛ maa pee kɛɛ nɛ Farao ɔ lɛɛ e maa bu mi tue; imi nɛ ye nya mi tsɔ we nɛ ɔ?”

Mose II, 6:14

Mose kɛ Aaron a weku he sane ji nɛ ɔ nɛ: Ruben, Israel bitɛte ɔ bimɛ ji Hanok, Palu, Hezron, kɛ Karmi. Ruben weku ɔmɛ ji nɛ ɔmɛ nɛ.

Mose II, 6:26

Aaron kɛ Mose nɛ ɔ ji nihi nɛ Yawɛ de mɛ ke a ya nɛ a ya kpaka Israel ma kpekpemi ɔ kɛ je Egipt zugba a nɔ kɛ ba a nɛ.