Mose II, 5:6 - BAIBLO ALOO NGMAMI KLƆUKLƆU Ɔ

⁶ Jamɛ a ligbi ɔ nɔuu ɔ, Farao ɔ fa nyɔguɛhi a nɔ yeli ɔmɛ, kɛ Israel bi nɛ hyɛɛ ní tsumi ɔmɛ a nɔ ɔ ke,

Mose II, 5:6 ပူးပေါင်းရင်းမြစ်များ

Kronika II, 26:11

Uzia ngɛ ta buli babauu nɛ a tsɔse mɛ, nɛ a mia kɛ ha ta hwumi. A dla ta buli ɔmɛ ngɔ wo kuuhi a mi. Ni nɛmɛ nɛ pee nɔ́ nɛ ɔ ji matsɛ pɛdiyo Yeyel, e setsɔ Maaseya, kɛ a nyatsɛ Hanania, matsɛ asafoatsɛmɛ ɔmɛ a ti nɔ kake.

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Mose II, 5:10

Lɔ ɔ he ɔ, nyɔguɛhi a nɔ yeli ɔmɛ, kɛ ní tsuli ɔmɛ a nɔ hyɛli ɔmɛ ho nɛ a ya de ma a ke, “Farao ɔ ke e be nyɛ nga hae.

Mose II, 5:19

Israel ní tsuli ɔmɛ a nɔ hyɛli ɔmɛ yɔse kaa sane yobu ye mɛ benɛ a de mɛ ke daa ligbi ɔ, a po bliikisi ɔ nɛ e hiɛ kaa kekle ɔ, nɛ a ko ha e nɔ nɛ gbɔ ɔ.

Mose II, 5:7

“Nyɛ ko ha ni ɔmɛ nga nɛ a kɛ pee bliikisi ɔ hu kaa sa a; nyɛ ha nɛ mɛ nitsɛmɛ a ya nɛ a ya fa nga a.

Abɛ Womi 12:10

Nɔmlɔ kpakpa hyɛɛ e lohwehi a nɔ saminya. Se nimli yayamihi lɛɛ mɔbɔ nɛ a naa a lohwehi po, yi mi wami sɔuu.

Mose IV, 11:16

Yawɛ de Mose ke, “Yaa nɛ o ya hla nikɔtɔmahi nɛ bu ngɛ a he nyingmi kpaago kɛ je Israel bi ɔmɛ a kpɛti. A pee nikɔtɔmahi nɛ mo nitsɛ o le kaa a hɛɛ blɔ nya ngɛ ma a mi. Ngɔɔ mɛ kɛ ba ye ngɔ ngɛ kpe he bo tsu ɔ mi, nɛ a ba da si ngɛ o kasa nya ngɛ lejɛ ɔ.

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Yoshua 24:1

Yoshua bua Israel wɛtso ɔmɛ a nya kɛ ba kpe ngɛ Shekem. E tsɛ ma nimeli ɔmɛ, asafoatsɛmɛ ɔmɛ, kojoli ɔmɛ, kɛ Israel tsɔli ɔmɛ kɛ ba Mawu hɛ mi.

Yoshua 24:4

I ha Isak fɔ Yakob kɛ Esau. I ngɔ Edom yo nɔ zugba a ngɔ ha Esau kaa e weto ní; se nyɛ nɛ̃, Yakob kɛ e bimɛ ɔmɛ lɛɛ a ya hi Egipt.

Yoshua 8:33

Jehanɛ Israel tsuo pɛpɛɛpɛ, ma nimeli, ma nɔ hyɛli, kojoli, nibwɔhi, kɛ ma a mi bi ɔmɛ tsuo ya da si ngɛ somi daka a kasa nya hiɛ kɛ hiɛ, ngɛ Levi bi osɔfo ɔmɛ nɛ hɛɛ Yawɛ somi daka a a hɛ mi. Nihi fa plɛ a se ngɔ wo Gerizim yo ɔ, nɛ nihi fa hu plɛ a se ngɔ wo Ebal yo ɔ. Yawɛ tsɔlɔ Mose nɛ wo mɛ mlaa kaa a pee enɛ ɔ, ke a maa gbaa Israel ma a.