Mose II, 5:22 - BAIBLO ALOO NGMAMI KLƆUKLƆU Ɔ

²² Kɛkɛ nɛ Mose kpale e se kɛ ho Yawɛ ngɔ ya ekohu, nɛ e ya bi lɛ ke, “Yawɛ, mɛni he je o pee o ma a yayami kikɛ nɛ ɔ? Mɛni he je o tsɔ mi kulaa?

Mose II, 5:22 ပူးပေါင်းရင်းမြစ်များ

Yeremia 20:7

Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.

La 73:25

Mɛnɔ i pa ngɛ ngɛ hiɔwe pe mo? O se ɔ, nɔ́ ko nɔ́ ko hia we mi ngɛ zugba nɛ ɔ nɔ hu.

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Matsɛmɛ I, 19:4

Se lɛ nitsɛ lɛɛ e nyɛɛ ligbi mluku kake kɛ ya nga a nɔ, nɛ e ya hi si ngɛ tso ko sisi, nɛ e ná nɛ e gbo. E sɔle ke, “Yawɛ, e hiɛ; moo gbe mi jehanɛ. E hi kaa ma gbo mohu; ejakaa ye nɛmɛ nɛ sɛ hlami ɔ, i hí pi mɛ.”

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Mose IV, 11:11

Mose bi Yawɛ ke, “Mɛni he je nɛ o ye imi, o tsɔlɔ sane yayami kikɛ nɛ ɔ? Mɛni he je nɛ o ná ye he abofu, nɛ o ngɔ ma nɛ ɔ tsuo yi tlomi ngɔ tloo mi ɔ?

Mose II, 17:4

Lɔ ɔ he ɔ, Mose kɛ hɛdɔ fa kue ha Yawɛ ke, “Kɛ ma pee ma nɛ ɔ kɛɛ? A miɔ nɛ a maa fia mi tɛ.”

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Yeremia 4:10

Kɛkɛ nɛ i de ke, “Ao, Nyɔmtsɛ Mawu, anɔkuale mi ɔ, o sisi Yerusalem bi ɔmɛ pɛ! Mo lɛ o wo si ke tue mi jɔmi maa ba ma a mi, se klaate mohu ji nɛ ɔ ngɛ ni ɔmɛ a kuɔ si.”

Yoshua 7:7

Yoshua de ke, “Aa, Nyɔmtsɛ Mawu, mɛni he je o kɛ ma a po Yordan pa a kɛ ba hiɛ ɔ kulaa lɛɛ? O kɛ wɔ ba ha Amor bi ɔmɛ nɛ a kpata wa hɛ mi lo? Mɛni he je wa hí Yordan pa a se kɛkɛ?