Mose II, 5:21 - BAIBLO ALOO NGMAMI KLƆUKLƆU Ɔ

²¹ Nɛ a de mɛ ke, “Yawɛ maa wo nyɛ hiɔ; ejakaa nyɛ ha wa he je fu wo Farao ɔ kɛ e tsɔli ɔmɛ, nɛ nyɛ ngɔ klaate ngɔ wo a dɛ mi nɛ a kɛ gbe wɔ.”

Mose II, 5:21 ပူးပေါင်းရင်းမြစ်များ

Mose I, 16:5

Kɛkɛ nɛ Sarai de Abram ke, “Mo lɛ o pee loko Hagar ngɛ e he nɔ woe ngɛ ye nɔ, nɛ e pa bui mi hu ɔ nɛ. Imi nitsɛ lɛ i ngɔ lɛ kɛ ha mo. Se kɛ je benɛ e na kaa mi ba e he ɔ, e bɔni e he nɔ womi ngɛ ye nɔ, nɛ e bui mi hu. Yawɛ nɛ kojo wɔ, nɛ e tsɔɔ nɔ nɛ nɔ́ da, mo jio, imi jio!”

Mose I, 31:53

Abraham kɛ Nahor a Mawu ɔ nɛ ji a tsɛ ɔ Mawu ɔ maa kojo imi kɛ mo wa kpɛti.” Kɛkɛ nɛ Yakob ngɔ Mawu nɛ e tsɛ Isak jaa lɛ ɔ biɛ kɛ ka kita kaa e maa ye si womi nɛ ɔ nɔ.

Mose I, 34:30

Yakob de Simeon kɛ Levi ke, “Nyɛɛ kɛ mi wo amanehlu mi pɛ; jehanɛ lɛɛ Kanaan, kɛ Periz bi ɔmɛ, kɛ nɔ tsuaa nɔ nɛ ngɛ zugba a nɔ ɔ maa nyɛ mi. I be we bi babauu; ke nimli nɛ ɔmɛ tsuo bla ngɔ wo ye he, nɛ a ba tua mi ɔ, a ma kpata wɔ tsuo wa hɛ mi.”

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Kronika I, 19:6

Benɛ Matsɛ Hanun kɛ Amon bi ɔmɛ na kaa a ya hla munyu ngɛ David he ɔ, a tsɔ nɛ a kɛ sika hiɔ kilo nyingmi akpe etɛ kɛ eywiɛya bɔ ta zugba lɛhi, kɛ ta buli apaa kɛ je Mesopotamia yiti je, kɛ Maaka kɛ Zoba ngɛ Siria.

Mose II, 14:11

A bi Mose ke, “Anɛ yɔkɔhi nɛ be Egipt he je nɛ o kpaka wɔ kɛ ba nɛ wa ba gbo tlɔ nga pa lo? Mɛni he je o kɛ wɔ ye kikɛmɛ a sane, nɛ o ngɔ wɔ kɛ je Egipt ɔ?

Mose II, 15:24

Kɛkɛ nɛ ma a tu munyu huitihuiti kɛ si Mose ke, “Mɛni wa maa nu?”

Mose II, 16:2

Israel ma kpekpemi ɔ tsuo tu munyu huitihuiti kɛ si Mose kɛ Aaron ngɛ nga a nɔ,

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Mose II, 5:20

Benɛ a si Farao ɔ, a ba na Mose kɛ Aaron nɛ a ngɛ mɛ mlɛe.

Mose II, 6:9

Mose ngɔ sɛ gbi nɛ ɔ ya ha Israel bi ɔmɛ, se a nyɔguɛ si himi ɔ, a nɔ yemi gbegbelii ɔ, kɛ a kɔmɔ yemi ɔ ha we nɛ a bu lɛ tue.

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

Yesaya 30:6

Mawu sɛ gbi nɛ ɔ kɔɔ lohwe nane eywiɛɛywiɛtsɛmɛ nɛ ngɛ leneyi je nga kplanaa a nɔ ɔ a he. “Ma tsɔli ɔmɛ nyɛɛ kɛ ya gu zugba nɛ nɔ ngɛ gbeyegbeye ɔ nɔ. Jatahi, sinɔ duɔtsɛmɛ, kɛ nyakahi nɛ tee ngɛ lejɛ ɔ. A ngɔ nike níhi nɛ a he jua wa ngɔ pue tejihi, kɛ yomahi a nɔ ya ke ma ko nɛ be nyɛe maa piɛ a he.

Yoel 2:20

Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Mose IV, 14:3

Mɛni he je Yawɛ kpaka wɔ kɛ yaa zugba nɛ ɔ nɔ, nɛ wa ya gbo ngɛ klaate nya, nɛ a ngɔ wa yihi, kɛ wa bimɛ nyɔguɛ ɔ? Anɛ e be hie mohu kaa waa kpale wa se kɛ ho Egipt ya lo?”

Samuel I, 13:4

Israel tsuo nu kaa Saul gbe Filisti bi a nyatsɛ ɔ, nɛ nɔ́ nɛ ɔ ha Filisti bi ɔmɛ a hɛ dɔ wo mɛ. Lɔ ɔ he ɔ, ma a bua a he nya, nɛ a bu Saul nɔ kɛ ho Gilgal ya.

Samuel I, 27:12

Akish he David ye saminya, nɛ e deɔ ngɛ e yi mi ke, “Lɛ nitsɛ e nyɛmimɛ Israel bi ɔmɛ sume lɛ pɛsɛpɛsɛ; lɔ ɔ he ɔ, hiɛ ɔ kɛkɛ e maa hi nɛ e ma sɔmɔ mi daa.”