Mose II, 5:19 - BAIBLO ALOO NGMAMI KLƆUKLƆU Ɔ

¹⁹ Israel ní tsuli ɔmɛ a nɔ hyɛli ɔmɛ yɔse kaa sane yobu ye mɛ benɛ a de mɛ ke daa ligbi ɔ, a po bliikisi ɔ nɛ e hiɛ kaa kekle ɔ, nɛ a ko ha e nɔ nɛ gbɔ ɔ.

Mose II, 5:19 ပူးပေါင်းရင်းမြစ်များ

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Mose II, 5:8

Se nyɛ ha nɛ a po bliikisi ɔ nɛ hiɛ kaa sa a nɔuu; nyɛ ko je nɔ, ejakaa a ngɛ hejɔ pee. A ngɛ huhui kpae ke, ‘Nyɛ ha waa ho nɛ wa ya sã bɔ ha wa Mawu ɔ,’ ejakaa hejɔtsɛmɛ ji mɛ.

Mose II, 5:18

Esɔ nɛ nyɛɛ ho nɛ nyɛ ya tsu ní! A be nyɛ nga hae, se nyɛ maa po bliikisi abɔ nɛ nyɛ poo daa ligbi ɔ kɛ̃!”

Mose II, 5:20

Benɛ a si Farao ɔ, a ba na Mose kɛ Aaron nɛ a ngɛ mɛ mlɛe.