Mose II, 5:15 - BAIBLO ALOO NGMAMI KLƆUKLƆU Ɔ

¹⁵ Kɛkɛ nɛ Israel ní tsuli a mɔ hyɛli ɔmɛ ba Farao ɔ ngɔ nɛ a ba fa kue ha lɛ, nɛ a bi lɛ ke, “Mɛni he je o kɛ wɔ o tsɔli ɔmɛ ngɛ sane yee kikɛ nɛ ɔ?

Mose II, 5:15 ပူးပေါင်းရင်းမြစ်များ

Mose II, 5:14

Ke pee ɔ, Farao ɔ nyɔguɛhi a nɔ yeli ɔmɛ fiaa Israel ní tsuli ɔmɛ a nɔ hyɛli ɔmɛ nɛ a to ɔ ní, nɛ a biɔ mɛ ke, “Kɛ pee kɛɛ nɛ nyɛ gbi bliikisi peemi ní tsumi ɔ nya kaa bɔ nɛ a to ha nyɛ ɔ?”

Mose II, 5:16

A ha we wɔ nga, se a ke waa po bliikisi bami kaa bɔ nɛ wa poo daa ligbi ɔ. Jehanɛ hu a dɔ kpa to wa nɔ be mi nɛ tɔmi ɔ ji wɔ; se e je o ma mi bi ɔmɛ mohu.”

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Hiob 3:18

Lejɛ ɔ, pamitsɛmɛ po naa he jɔmi; nɔ ko tu we mɛ munyu basabasa hu; nɔ ko ke we a yi hulɔ.