Mose II, 5:1 - BAIBLO ALOO NGMAMI KLƆUKLƆU Ɔ

¹ Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Mose II, 5:1 ပူးပေါင်းရင်းမြစ်များ

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

La 119:46

Matsɛmɛ a hɛ mi tete po ma fiɛ o mlaa a, nɛ e be mi zo pee.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 10:4

Ke o kplɛɛ we nɛ ye ma a nɛ ya a, lɛɛ hwɔɔmɛ a je hwɔɔ ɔ, ma ha baalɛhi maa ba o zugba a nɔ.

Mose II, 10:9

Mose ha lɛ heto ke, “Wɔ tsuo pɛpɛɛpɛ nɛ wa maa ya a nɛ; jokuɛwi kɛ nikɔtɔmahi. Waa kɛ wa binyumuhi, wa biyihi, kɛ wa lohwehi kulaa maa ya; ejakaa wa yaa nɛ wa ya ye nyami ligbi kɛ wo Yawɛ hɛ mi nyami.”

Mose II, 3:18

“A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 33:13

Lɔ ɔ he ɔ, i kpa mo pɛɛ, ke niinɛ nɛ o ngɛ ye he bua jɔmi ɔ, lɛɛ moo tsɔɔ mi o blɔ ɔ, konɛ ma le mo saminya, nɛ ma pee o suɔmi nya ní. Mo kai hu kaa kikɛmɛ a nimli nɛ ɔmɛ ɔ, mo nitsɛ o ma ji mɛ.”

Mose II, 4:23

I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

Mose II, 6:11

“Yaa nɛ o ya de Egipt matsɛ ɔ ke e ha nɛ Israel bi ɔmɛ nɛ a je e zugba a nɔ nɛ a ho.”

Mose II, 6:27

Mɛ ji ni nɛmɛ nɛ a kɛ Egipt matsɛ ɔ ya tu Israel bi ɔmɛ a jemi kɛ je Egipt zugba a nɔ ɔ he munyu ɔ nɛ. Jamɛ a Mose kɛ Aaron ɔ ji nɛ ɔmɛ nɛ.

Mose II, 7:16

nɛ o de lɛ ke, ‘Yawɛ, Hebri bi ɔmɛ a Mawu ɔ tsɔ mi o ngɔ ke ma ba de mo ke o ha ye ma a nɛ ho nɛ a ya ja mi ngɛ nga a nɔ, nɛ kɛ ba si amlɔ nɛ ɔ, o bui tue.’

Mose II, 7:2

O maa bɔ Aaron nɔ́ tsuaa nɔ́ nɛ ma de mo ɔ, nɛ o nyɛminyumu Aaron ma de Farao ɔ ke e ha nɛ Israel bi ɔmɛ nɛ a je e zugba a nɔ.

Mose II, 8:1

Lɔ ɔ se ɔ, Yawɛ de Mose ke, “Yaa Farao ɔ ngɔ nɛ o ya de lɛ ke Yawɛ ke, ‘Ha ye ma a nɛ ho nɛ a ya ja mi.

Mose II, 8:16

Kɛkɛ nɛ Yawɛ de Mose ke, “De Aaron nɛ e ngɔ e tso ɔ kɛ fia tabo zu ɔ nɔ, nɛ tabo zu ɔ ma plɛ pee pwɔmi ngɛ Egipt zugba a tsuo nɔ.”

Mose II, 8:17

Aaron ngɔ e tso ɔ kɛ fia tabo zu ɔ nɔ, kɛkɛ nɛ tabo zu ɔ tsuo plɛ pee pwɔmi nɛ bɔni nimli, kɛ lohwehi tsuo bublemi ngɛ Egipt zugba a nɔ tsuo.

Mose II, 8:20

Yawɛ de Mose ke, “Moo bu tue! Hwɔɔ mɔtu ɔ, Farao ɔ maa ya Nilo pa a nya. Yaa nɛ o kɛ lɛ ya kpe ngɛ lejɛ ɔ, nɛ o de lɛ ke bɔ nɛ Yawɛ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose II, 8:27

Wa maa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ, kaa bɔ nɛ e maa tsɔɔ ke waa pee ɔ.”

Mose II, 9:1

Yawɛ de Mose ke, “Yaa Farao ɔ ngɔ nɛ o ya de lɛ ke bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose II, 9:2

Ke o kplɛɛ we nɛ a ho, nɛ o tsi a nya kɛ mwɔɔ ɔ,

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Ni Tsumi 4:29

Jehanɛ hu Nyɔmtsɛ, hyɛ wa he gbeye nɛ a ngɛ woe ɔ, nɛ o wo wɔ, o sɔmɔli ɔmɛ kã nɛ waa jaje o munyu ɔ.

1 Korintobi 5:8

Lɔ ɔ he ɔ, ke wa ngɛ wa Hetsɔmi nyami be ɔ yee ɔ, nyɛ ko ha nɛ waa ngɔ ma momo kɛ ye. Ma momo nɛ ɔ ji yayami, kɛ yi wu tso níhi. Nyɛ ha waa ye lɛ ngɛ anɔkuale yemi mi.