Mose II, 40:5 - BAIBLO ALOO NGMAMI KLƆUKLƆU Ɔ

⁵ Ngɔɔ sika tsu bɔ sami la tɛ ɔ nɛ a kɛ maa sã tsopa kɛ e he via a kɛ ma somi daka a hɛ mi, nɛ o wo bo ngɔ kpla si ngɛ kpe he bo tsu ɔ sinya a nya.

Mose II, 40:5 ပူးပေါင်းရင်းမြစ်များ

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Mose II, 40:6

Ngɔɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya.

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Mose II, 30:6

Ngɔɔ bɔ sami la tɛ nɛ ɔ kɛ ma tsu mi pomi bo ɔ se ngɛ daka a nɛ somi womi ɔ ngɛ mi ɔ hɛ mi. Lejɛ ɔ ji he nɛ i kɛ nyɛ maa kpe ngɛ.