Mose II, 40:35 - BAIBLO ALOO NGMAMI KLƆUKLƆU Ɔ

³⁵ Enɛ ɔ he je ɔ, Mose nyɛ we nɛ e sɛ kpe he bo tsu ɔ mi.

Mose II, 40:35 ပူးပေါင်းရင်းမြစ်များ

Matsɛmɛ I, 8:11

Bɔku nɛ ɔ ngɛ kpɛe kaa Yawɛ hɛ mi nyami; enɛ ɔ he je ɔ, osɔfo ɔmɛ nyɛ we nɛ a kpale kɛ ya lejɛ ɔ nɛ a ya tsu ní.

Yesaya 6:4

A gbi ɔ ha nɛ Yawɛ we ɔ sisi tomi ɔ mimiɛ, nɛ la su ku hyi Yawɛ we ɔ nitsɛ tɔ.

Kronika II, 7:2

Akɛnɛ Yawɛ hɛ mi nyami ɔ ba hyi we ɔ mi tɔ he je ɔ, osɔfo ɔmɛ nyɛ we nɛ a sɛ mi.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Kpojemi 15:8

Mawu hɛ mi nyami, kɛ e he wami kpetekpleenyɛ ɔ ha nɛ la su ku hyi sɔlemi we ɔ tɔ. Nɛ nɔ ko nɔ ko nyɛ we nɛ e je sɔlemi we ɔ kɛ ya si haomi kpaago ɔmɛ nɛ bɔfo kpaago ɔmɛ kɛ ba a a se po.

Mose IV, 7:89

Benɛ Mose ya sɛ kpe he bo tsu ɔ mi, konɛ e kɛ Yawɛ nɛ ya tu munyu ɔ, e nu Yawɛ gbi nɛ e kɛ lɛ ngɛ munyu tue kɛ je somi daka a nya nɔ́ ɔ yi mi, ngɛ kerub enyɔ ɔmɛ a kpɛti.

Matsɛmɛ I, 8:10

Benɛ osɔfo ɔmɛ ngɛ kpo jee ngɛ Yawɛ we ɔ mi ɔ, bɔku ba ha lejɛ ɔ.

Ezekiel 10:4

Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose II, 29:43

Lejɛ ɔ ji he nɛ i kɛ Israel ma a maa kpe ngɛ, nɛ ye hɛ mi nyami kpɛmi maa pee lejɛ ɔ klɔuklɔu.

Mose IV, 9:15

Ligbi ɔ nɛ a ma kpe he ɔ, bɔku ɔ ba ha he. Kɛ je gbɔkuɛ kɛ ya si je na a, bɔku ɔ ngɛ kpɛe kaa la.

Yesaya 4:5

Kɛkɛ ɔ, Yawɛ maa ngɔ bɔku kɛ ba ha Zion yo ɔ, kɛ nihi tsuo nɛ ba kpe ngɛ lejɛ ɔ a nɔ; piani ɔ, Yawɛ ma ha bɔku maa wo, nɛ nyɔ mi ɔ, la su ku, kɛ la nɛ ngɛ kpɛe plamplam maa ba. Mawu hɛ mi nyami ɔ maa ha ma a tsuo nɔ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Ezekiel 43:4

Yawɛ hɛ mi nyami ɔ gu agbo nɛ ngɛ beleku je ɔ mi kɛ ya sɛ Yawɛ we ɔ.