Mose II, 40:33 - BAIBLO ALOO NGMAMI KLƆUKLƆU Ɔ

³³ Mose po piɛ kɛ bɔle kpe he bo tsu ɔ, kɛ bɔ sami la tɛ ɔ he, nɛ e wo bo ngɔ kpla piɛ ɔ sinya a nya. Mose gbe ní tsumi ɔ tsuo nya.

Mose II, 40:33 ပူးပေါင်းရင်းမြစ်များ

Mose II, 40:8

Moo po piɛ kɛ bɔle he klɔuklɔu, nɛ o wo bo ngɔ kpla si ngɛ piɛ ɔ sinya a nya.

2 Timoteo 4:7

Ta kpakpa a, i hwu; i tu fo ɔ tsuo gbe nya. I pɛtɛ hemi kɛ yemi ɔ he.

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 12:12

Nɔmlɔ tso ɔ, nɔ kake, se e he níhi hiɛ babauu, nɛ e he ní nɛ ɔmɛ tsuo lɛ peeɔ nɔmlɔ tso kake ɔ nɛ. Kikɛ nɛ ɔ Kristo hu ngɛ.

Yohane 17:4

I wo o hɛ mi nyami ngɛ je ɔ mi; ní tsumi nɛ o tu kɛ wo ye dɛ mi ɔ, i gbe nya.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 10:9

Imi ji agbo ɔ nɛ; nɔ tsuaa nɔ nɛ ba guu agbo ɔ mi kɛ sɛɔ mi ɔ, e yi ma na wami. E maa sɛ mi, nɛ e maa kpale je kpo ya na niye ní.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Mateo 16:8

Yesu le nɔ́ nɛ a ngɛ dee ɔ, lɔ ɔ he ɔ, e bi mɛ ke, “Mɛni he je nyɛ ngɛ ní sɛɛe ngɛ niye ní nɛ nyɛ hɛɛ we he ɔ? Nyɛ hemi kɛ yemi pi pɛ!

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Matsɛmɛ I, 6:9

Benɛ Matsɛ Salomo ma we ɔ gbe nya a, e sɛu nɔ kɛ seda plai, kɛ gbegbeli.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose II, 39:32

Jehanɛ ɔ, a gbe kpe he bo tsu ɔ he ní tsumi ɔ tsuo pɛpɛɛpɛ nya. Israel bi ɔmɛ tsu ní ɔ pɛpɛɛpɛ kaa bɔ nɛ Yawɛ fa Mose ɔ.

Matsɛmɛ I, 6:14

Jehanɛ Salomo ma Yawɛ we ɔ gbe nya.