Mose II, 40:20 - BAIBLO ALOO NGMAMI KLƆUKLƆU Ɔ

²⁰ E ngɔ mlaa amɛ kɛ wo somi daka a mi. E kɛ tso ɔmɛ hɔɔ daka a he ga amɛ a mi, nɛ e ngɔ daka a nya nɔ́ ɔ ngɔ bu nya.

Mose II, 40:20 ပူးပေါင်းရင်းမြစ်များ

Mose II, 16:34

Nɛ kaa bɔ nɛ Yawɛ fa Mose ɔ, Aaron ngɔ kɛ ma somi daka a hɛ mi.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Hebribi 4:16

Lɔ ɔ he ɔ, nyɛ ha waa kɛ kã nɛ hɛ wɔ kɛ su Mawu dloomi sɛ ɔ he, bɔ nɛ pee nɛ a na wɔ mɔbɔ, nɛ wa na dloomi nɛ maa ye bua wɔ ngɛ be nɛ sa mi.

Romabi 10:4

Ejakaa Kristo po mlaa a mi, nɛ nɔ tsuaa nɔ nɛ heɔ yeɔ ɔ, Mawu wo lɛ nguɔ.

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Mateo 3:15

Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Matsɛmɛ I, 8:9

Nɔ́ ko nɔ́ ko be somi daka a mi kaa ja tɛ tɛtlɛɛ enyɔ ɔmɛ nɛ Mose ngɔ wo mi kɛ je Sinai yo ɔ nɔ ɔ. Yawɛ kɛ Israel ma a so ngɛ lejɛ ɔ be mi nɛ a je Egipt zugba a nɔ kɛ ma a.

Mose V, 10:5

nɛ i kple si kɛ je yo ɔ nɔ. Jehanɛ, kaa bɔ nɛ Yawɛ fa mi ɔ, i ngɔ tɛ ɔmɛ ngɔ wo daka nɛ i kpɛ ɔ mi; tɛ ɔmɛ ngɛ daka a mi kɛ mwɔɔ.”

Mose II, 40:3

Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 26:34

Daka a nɛ somi womi ɔ ngɛ mi ɔ, ngɔɔ e nya nɔ́ ɔ kɛ bu daka a nya ngɛ he klɔuklɔu pe kulaa a.

Mose II, 40:19

E ma bo tsu ɔ si, nɛ e ngɔ kpe he bo tsu ɔ heha nɔ́ ɔ ngɔ ha he kaa bɔ nɛ Yawɛ fa lɛ ɔ.

Kronika I, 15:3

Kɛkɛ nɛ David kpee Israel ma a tsuo kɛ ba Yerusalem, konɛ a ya ngɔ Yawɛ somi daka a kɛ ba ma he nɛ e dla kɛ to lɛ ɔ.

Kronika II, 5:10

Nɔ́ ko nɔ́ ko be somi daka a mi, kaa ja tɛ tɛtlɛɛ enyɔ ɔmɛ nɛ Mose ngɔ to lejɛ ɔ ngɛ Sinai yo ɔ nɔ ɔ. Yawɛ kɛ Israel ma a so somi ngɛ Sinai, be mi nɛ a je Egipt zugba a nɔ kɛ ma a.