Mose II, 40:2 - BAIBLO ALOO NGMAMI KLƆUKLƆU Ɔ

² “Kekleekle nyɔhiɔ ɔ we kekleekle ligbi ɔ nɔ ɔ, ngɔɔ kpe he bo tsu ɔ kɛ ma si.

Mose II, 40:2 ပူးပေါင်းရင်းမြစ်များ

Kronika I, 17:5

Kɛ je ligbi ɔ nɛ i ya kpɔ Israel ma a kɛ je Egipt kɛ ba si mwɔnɛ ligbi nɛ ɔ, i hí we ko mi hyɛ; bo tsu ji we nɛ i hii mi ngɛ he tsuaa he nɛ i yaa.

Kronika II, 29:3

Benɛ Hezekia bɔni matsɛ yemi ɔ, jamɛ a jeha a we kekleekle nyɔhiɔ ɔ mi ɔ, e bli Yawɛ we ɔ agbo ɔmɛ ekohu, nɛ e ha nɛ a dla mɛ.

Mose II, 13:4

Mwɔnɛ ligbi nɛ ɔ, nyɛ ngɛ hiae kɛ ngɛ Egipt jee ngɛ kekleekle nyɔhiɔ, Abib ɔ mi.

Mose II, 19:1

Nɛ Israel bi ɔmɛ je Egipt ɔ se nyɔhiɔ etɛne ɔ kekleekle ligbi ɔ, a je Refidim kɛ ho Sinai nga a nɔ ya, nɛ a ya to si ngɛ Sinai yo ɔ sisi.

Mose II, 26:1

“Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Mose II, 26:30

O pee kpe he bo tsu nɛ ɔ pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.

Mose II, 26:7

“Jehanɛ, ngɔɔ apletsi he bwɔmi kɛ lo bo nyɔngma kɛ kake, nɛ o kɛ lɛ tsuo nɛ pee heha nɔ́ ha kpe he bo tsu ɔ.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose II, 30:36

Moo wɛɛ eko nɛ e pee bukɔbukɔ kaa mamu, nɛ o ngɔ eko kɛ ya ma daka a nɛ somi womi ɔ ngɛ mi ɔ hɛ mi ngɛ kpe he bo tsu ɔ mi he nɛ i kɛ nyɛ maa kpe ngɛ ɔ. Nyɛɛ hɛɛ tsopa kɛ e he via nɛ ɔ kaa nɔ́ ko klɔuklɔu nitsɛnitsɛ.

Mose II, 35:11

Kpe he bo tsu ɔ, e he hami ní ɔmɛ, kɛ e nɔ hami ní ɔmɛ, e gbowe ɔmɛ kɛ e sima tso ɔmɛ, e mani tso ɔmɛ, e titima amɛ kɛ e nɔ dami ní ɔmɛ;

Mose II, 36:18

Lɔ ɔ se ɔ, a pee akɔblee gbowe nyingmi enuɔ, nɛ a kɛ gbowe ɔmɛ la ga amɛ a mi; nɛ bo enyɔ ɔmɛ pee heha nɔ́ kake.

Mose II, 40:1

Yawɛ de Mose ke,

Mose II, 40:6

Ngɔɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya.

Ezekiel 40:1

Benɛ a nuu wɔ kɛ ho ma se ya a we jeha nyingmi enyɔ kɛ enuɔne ɔ ji jeha nyɔngma kɛ eywiɛ pɛpɛɛpɛ nɛ a kpata Yerusalem ma a hɛ mi. Jeha he ɔ we ligbi nyɔngma a, Yawɛ he wami ba ye nɔ wawɛɛ, nɛ e ngɔ mi kɛ je.

Ezekiel 45:18

Nyɔmtsɛ Yawɛ ke, “Kekleekle nyɔhiɔ ɔ we kekleekle ligbi ɔ, ngɔɔ na niheyo nɛ kpa ko be e he nɛ o kɛ tsukɔ Yawɛ we ɔ he.

Mose IV, 1:1

Benɛ Israel bi ɔmɛ je Egipt zugba a nɔ se jeha nɛ ji enyɔ ɔ, nyɔhiɔ enyɔne ɔ we kekleekle ligbi ɔ, Yawɛ kɛ Mose tu munyu ngɛ kpe he bo tsu ɔ mi ngɛ Sinai nga a nɔ, nɛ e de lɛ ke,

Mose IV, 7:1

Ligbi ɔ nɛ Mose gbe kpe he ɔ mami nya a, e pɔ kpe he ɔ nu, nɛ e tsukɔ he kɛ e he ní ɔmɛ tsuo, kɛ bɔ sami la tɛ ɔ kɛ e he ní ɔmɛ tsuo.

Mose IV, 9:1

Benɛ Israel bi ɔmɛ je Egipt zugba a nɔ ɔ se jeha enyɔne ɔ we kekleekle nyɔhiɔ ɔ, Yawɛ kɛ Mose tu munyu ngɛ Sinai nga a nɔ, nɛ e de lɛ ke,

Mose IV, 9:15

Ligbi ɔ nɛ a ma kpe he ɔ, bɔku ɔ ba ha he. Kɛ je gbɔkuɛ kɛ ya si je na a, bɔku ɔ ngɛ kpɛe kaa la.