Mose II, 40:10 - BAIBLO ALOO NGMAMI KLƆUKLƆU Ɔ

¹⁰ Moo pɔ sami bɔ la tɛ ɔ kɛ e he ní ɔmɛ tsuo nu nɛ o tsukɔ bɔ sami la tɛ ɔ he; kɛkɛ e maa pee klɔuklɔu kɛ pi si.

Mose II, 40:10 ပူးပေါင်းရင်းမြစ်များ

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Yohane 17:19

A he ɔ, i peeɔ ye he klɔuklɔu, bɔ nɛ pee nɛ mɛ hu a pee mɛ klɔuklɔu ngɛ anɔkuale mi.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Mose III, 8:11

E kɛ nu ɔ eko fĩa bɔ sami la tɛ ɔ nɔ si kpaago kɛ pɔ bɔ sami la tɛ ɔ kɛ e he ní ɔmɛ tsuo kɛ kã a kɛ e sisi kla a nu, nɛ e kɛ tsukɔ a he.

Mose II, 40:11

Nyu kã a kɛ e sisi kla a hu o pɔ mɛ nu nɛ o kɛ tsukɔ a he ja nɔuu.

Mose II, 30:29

Moo tsukɔ ní nɛ ɔmɛ a he, kɛkɛ ɔ, a maa pee klɔuklɔu nitsɛnitsɛ; nɔ tsuaa nɔ, aloo nɔ́ tsuaa nɔ́ nɛ he maa sa a he ɔ hu maa pee klɔuklɔu.