Mose II, 4:31 - BAIBLO ALOO NGMAMI KLƆUKLƆU Ɔ

³¹ Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Mose II, 4:31 ပူးပေါင်းရင်းမြစ်များ

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Mose I, 24:26

Kɛkɛ nɛ nyumu ɔ kpla si nɛ e ja Yawɛ.

Mose I, 29:32

Lea ba na mi nɛ e fɔ binyumu. E wo lɛ biɛ ke Ruben, nɛ e de ke, “Yawɛ na ye we amanehlu ɔ; jehanɛ lɛɛ ye huno ɔ maa suɔ mi.”

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Kronika II, 20:18

Kɛkɛ nɛ Matsɛ Yehoshafat kpla si nɛ e kɛ e hɛ mi bu si, nɛ ma a tsuo pee ja, nɛ a kɛ lɛ ja Yawɛ.

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

Kronika II, 7:3

Benɛ Israel bi ɔmɛ tsuo na la nɛ je hiɔwe ɔ, kɛ Yawɛ hɛ mi nyami ɔ nɛ ba hyi we ɔ tɔ ɔ, a kɛ a hɛ mi bu si ngɛ he nɛ a ka tɛ ngɛ ɔ. A ja Yawɛ, nɛ a na lɛ si, nɛ a de ke, “A je Yawɛ yi! Ejakaa e hi, Ejakaa e mɔbɔ nami ɔ ngɛ kɛ yaa neneene.”

Nehemia 8:6

Jehanɛ Ezra de ke, “Nyɛ je Yawɛ Mawu kpetekpleenyɛ ɔ yi!” Ma a tsuo wo a nine nɔ nɛ a he nɔ ke, “Amen! Amen”. Kɛkɛ nɛ a kpla si nɛ a kɛ a hɛ mi bu si nɛ a ja Yawɛ.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

Mose II, 12:27

nyɛ de mɛ ke, ‘Yawɛ Hetsɔmi ɔ bɔ sami ɔ ji nɛ ɔ nɛ; ejakaa e tsɔ Israel bi ɔmɛ a he ngɛ Egipt. E gbe Egipt bi ɔmɛ, se wɔɔ lɛɛ e ha wa yi na wami.’ ” Kɛkɛ nɛ ni ɔmɛ ma a yi si nɛ a ja Mawu.

Mose II, 14:31

Benɛ Israel bi ɔmɛ na he wami nguaa nɛ Yawɛ kɛ ye Egipt bi ɔmɛ a nɔ ɔ, a ye lɛ gbeye, nɛ a he lɛ, kɛ e tsɔlɔ Mose ɔ ye.

Mose II, 19:8

Nɛ ma a tsuo he nɔ nɛ a de ke, “Nɔ́ tsuaa nɔ́ nɛ Yawɛ de ɔ, wa maa pee.” Mose kpale ya bɔ Yawɛ bɔ nɛ ma a de ɔ.

Mose II, 19:9

Yawɛ de Mose ke, “Hyɛ, i ma o ngɔ ngɛ bɔku kpii mi, konɛ ke ma a nu nɛ i kɛ mo ngɛ munyu tue ɔ, a he mo nɛ a ye kɛ ya neneene.” Mose ho nɛ e ya bɔ Yawɛ heto nɛ ma a ha lɛ ɔ.

Mose II, 2:25

Kɛkɛ nɛ Mawu mi mi sã lɛ ngɛ Israel bi ɔmɛ a si himi ɔ he; ejakaa e na kaa be su nɛ sa kaa e pee he nɔ́ ko.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Mose II, 3:18

“A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Mose II, 33:10

Ke ma a na bɔku titima a nɛ daa si ngɛ kpe he bo tsu ɔ sinya a nya pɛ mɛ tsuo a maa te si, nɛ a ma ja Mawu.

Mose II, 34:8

Mose kɛ he sɔmi kpla si nɛ e ja Mawu.

Mose II, 4:5

Yawɛ de ke, “Enɛ ɔ maa tsɔɔ Israel bi ɔmɛ kaa Mawu ɔ nɛ a nɛmɛ Abraham, Isak, kɛ Yakob ja lɛ ɔ je e he kpo tsɔɔ mo.”

Zefania 2:7

Yuda wɛtso ɔ mi nihi bɔɔ nɛ a yi ma na wami ɔ, nyɛ zugba a nɔ lejɛ ɔ ji he nɛ a maa hi. A maa lɛ a lohwe ɔmɛ ngɛ lejɛ ɔ, nɛ a ma ya hwɔ we ɔmɛ a mi ngɛ Ashkelon. Yawɛ, a Mawu ɔ kɛ mɛ maa hi si, nɛ e ma ha nɛ a maa bɔ ekohu.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Rut Womi 1:6

Pee se ɔ, Naomi nu kaa Yawɛ ba gbaa e ma a, nɛ e ha a ngmɔ ɔmɛ ba ní saminya; lɔ ɔ he ɔ, e dla konɛ e kɛ e nganyɛmɛ ɔmɛ nɛ hia kɛ je Moab zugba a nɔ.