Mose II, 4:23 - BAIBLO ALOO NGMAMI KLƆUKLƆU Ɔ

²³ I de mo ke o ha nɛ ye bi ɔ nɛ ya nɛ e ya ja mi, se o kplɛɛ we. Lɔ ɔ he ɔ, ma gbe o binyumu ɔ, o bitɛte ɔ!’ ”

Mose II, 4:23 ပူးပေါင်းရင်းမြစ်များ

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

La 135:8

Lɛ nɛ e gbe kekleekle bimɛ tsuo ngɛ Egipt, nimli adesahi a bimɛ, kɛ lohwehi a bimɛ.

La 136:10

Lɛ nɛ e gbe Egipt bi ɔmɛ a kekleekle bimɛ; ejakaa e suɔmi ɔ ngɛ kɛ yaa neneene!

La 78:51

E gbe bitɛtehi tsuo ngɛ we tsuaa we mi ngɛ Egipt zugba a nɔ.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mose II, 10:4

Ke o kplɛɛ we nɛ ye ma a nɛ ya a, lɛɛ hwɔɔmɛ a je hwɔɔ ɔ, ma ha baalɛhi maa ba o zugba a nɔ.

Mose II, 11:5

Bitɛte tsuaa bitɛte ngɛ Egipt ɔ ma gbo, kɛ je Farao ɔ bitɛte nɛ ma ba ye e tsɛ se hwɔɔ se ɔ nɔ, kɛ yaa si nyɔguɛ yo nɛ ngɛ mamu wɛɛe ngɛ wɛ se ɔ bitɛte nɔ, kɛ lohwehi hu a kekleekle bihi tsuo.

Mose II, 12:29

Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.

Mose II, 13:15

Benɛ Farao ɔ kplii e tsui nɛ e kplɛɛ we kaa waa ho ɔ, Yawɛ gbe Egipt kekleekle bimɛ tsuo; nimli a bitɛtehi, kɛ lohwehi a kekleekle bihi. Enɛ ɔ he ɔ, lohwe ku tsuaa lohwe ku nɛ bliɔ fɔmi nya a, i kɛ sãã bɔ ngɔ haa Yawɛ; se ye bitɛte ɔmɛ lɛɛ i danii mɛ.

Mose II, 18:8

Mose bɔ e ngatsɛ ɔ a blɔ hiami ɔ mi sanehi tsuo: níhi nɛ Yawɛ pee Farao ɔ kɛ Egipt bi ɔmɛ nɛ e kɛ kpɔ Israel bi ɔmɛ, a blɔ hiami ɔ mi pɔtɔ kɛ dengme, kɛ bɔ nɛ Yawɛ je mɛ kɛ je kulaa mi.

Mose II, 3:18

“A maa bu o gbi tue; nɛ o kɛ Israel ma nimeli ɔmɛ maa ya Egipt matsɛ ɔ ngɔ, nɛ nyɛ ma ya de lɛ ke, ‘Yawɛ, Hebri bi ɔmɛ a Mawu ɔ kɛ wɔ ba kpe; lɔ ɔ he ɔ, wa kpa mo pɛɛ, ha wɔ blɔ nɛ waa nyɛɛ ligbi etɛ blɔ kɛ ya nga a nɔ nɛ wa ya sã bɔ ha Yawɛ, wa Mawu ɔ ngɛ lejɛ ɔ.’

Mose II, 5:1

Pee se ɔ, Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Ha ye ma a nɛ ho, nɛ a ya ye nyami ligbi nɛ a kɛ ja mi ngɛ nga a nɔ.’ ”

Mose II, 6:11

“Yaa nɛ o ya de Egipt matsɛ ɔ ke e ha nɛ Israel bi ɔmɛ nɛ a je e zugba a nɔ nɛ a ho.”

Mose II, 7:16

nɛ o de lɛ ke, ‘Yawɛ, Hebri bi ɔmɛ a Mawu ɔ tsɔ mi o ngɔ ke ma ba de mo ke o ha ye ma a nɛ ho nɛ a ya ja mi ngɛ nga a nɔ, nɛ kɛ ba si amlɔ nɛ ɔ, o bui tue.’

Mose II, 8:1

Lɔ ɔ se ɔ, Yawɛ de Mose ke, “Yaa Farao ɔ ngɔ nɛ o ya de lɛ ke Yawɛ ke, ‘Ha ye ma a nɛ ho nɛ a ya ja mi.

Mose II, 8:16

Kɛkɛ nɛ Yawɛ de Mose ke, “De Aaron nɛ e ngɔ e tso ɔ kɛ fia tabo zu ɔ nɔ, nɛ tabo zu ɔ ma plɛ pee pwɔmi ngɛ Egipt zugba a tsuo nɔ.”

Mose II, 8:17

Aaron ngɔ e tso ɔ kɛ fia tabo zu ɔ nɔ, kɛkɛ nɛ tabo zu ɔ tsuo plɛ pee pwɔmi nɛ bɔni nimli, kɛ lohwehi tsuo bublemi ngɛ Egipt zugba a nɔ tsuo.

Mose II, 8:20

Yawɛ de Mose ke, “Moo bu tue! Hwɔɔ mɔtu ɔ, Farao ɔ maa ya Nilo pa a nya. Yaa nɛ o kɛ lɛ ya kpe ngɛ lejɛ ɔ, nɛ o de lɛ ke bɔ nɛ Yawɛ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose II, 9:1

Yawɛ de Mose ke, “Yaa Farao ɔ ngɔ nɛ o ya de lɛ ke bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Ha ye ma a nɛ ho nɛ a ya ja mi.

Mose II, 9:13

Kɛkɛ nɛ Yawɛ de Mose ke, “Hwɔɔ mɔtu mla a, yaa Farao ɔ ngɔ nɛ o ya de lɛ ke bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Ha ye ma a nɛ ho konɛ a ya ja mi.

Mose II, 9:2

Ke o kplɛɛ we nɛ a ho, nɛ o tsi a nya kɛ mwɔɔ ɔ,

Hosea 11:1

Benɛ Israel bi ɔmɛ ngɛ kaa jokuɛwi ɔ, i suɔ a sane, nɛ i je mɛ kɛ je Egipt.