Mose II, 4:18 - BAIBLO ALOO NGMAMI KLƆUKLƆU Ɔ

¹⁸ Mose kpale kɛ ho e ngatsɛ Yetro ngɔ ya nɛ e ya de lɛ ke, “I kpa mo pɛɛ, ha mi blɔ nɛ ma kpale kɛ ya Egipt, nɛ ma ya hyɛ kaa ye nyɛmimɛ ɔmɛ ngɛ je mi kɛ mwɔɔ lo.” Yetro de Mose ke, “Blɔ ngɛ faa; blɔ ɔ nɔ nɛ jɔ ha mo.”

Mose II, 4:18 ပူးပေါင်းရင်းမြစ်များ

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

1 Timoteo 6:1

Sɔmɔli tsuo nɛ ngɛ nyɔguɛ yemi mi ɔ, ha nɛ a bu a nyɔmtsɛmɛ ɔmɛ, nɛ a sɔmɔ mɛ saminya, konɛ nɔ ko nɔ ko kó ná he blɔ nɛ e tu munyu yaya kɛ si Mawu, loo Kristo jami ɔ.

Ni Tsumi 16:36

Kɛkɛ nɛ pamitsɛmɛ a nɔ hyɛlɔ de Paulo ke, “Roma kojoli ɔmɛ tsɔ kɛ ba ke a ngmɛɛ o kɛ Sila nyɛ he. Lɔ ɔ he ɔ, nyɛɛ je kpo nɛ nyɛɛ ya. Nyɛɛ ya ngɛ he jɔmi mi.”

Ni Tsumi 15:36

Pee se ɔ, Paulo de Barnaba ke, “Ha waa kpale wa se kɛ ya mahi tsuo nɛ wa fiɛ Nyɔmtsɛ ɔ sɛ gbi ɔ ngɛ a mi ɔ. Wa ya slaa nyɛmimɛ ɔmɛ nɛ ngɛ lejɛ ɔmɛ, nɛ waa hyɛ bɔ nɛ a ngɛ nɔ yae ha.”

Luka 7:50

Se Yesu de yo ɔ ke, “O hemi kɛ yemi he o yi wami; yaa ngɛ he jɔmi mi.”

Samuel I, 1:17

Eli de lɛ ke, “O kɛ he jɔmi nɛ ya; Israel Mawu ɔ ma ha mo nɔ́ tsuaa nɔ́ nɛ o bi lɛ ɔ.”

Mose I, 45:3

Yosef de e nyɛmimɛ ɔmɛ ke, “Imi ji Yosef. Anɛ tsaatsɛ ngɛ je mi kɛ mwɔɔ lo?” Se benɛ e nyɛmimɛ ɔmɛ nu nɔ́ nɛ ɔ, a tsui po wawɛɛ nitsɛ nɛ a nyɛ we nɛ a ha lɛ heto.

Mose II, 2:21

Mose kplɛɛ kaa e kɛ osɔfo ɔ maa hi si. Pee se ɔ, osɔfo ɔ ngɔ e biyo Zipora ngɔ ha Mose.

Matsɛmɛ II, 5:19

Elisha de lɛ ke, “Yaa ngɛ he jɔmi mi.” Benɛ Naeman je ɔ, e kɛ we kulaa

Manyadali 18:6

Osɔfo ɔ de mɛ ke, “Nyɛɛ ya kɛ manye! Yawɛ maa bu nyɛ he ngɛ blɔ ɔ nɔ.”

Matsɛmɛ II, 5:10

Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”