Mose II, 4:13 - BAIBLO ALOO NGMAMI KLƆUKLƆU Ɔ

¹³ Se Mose ke, “Ye Nyɔmtsɛ, i kpa mo pɛɛ nɛ o tsɔ nɔ kpa.”

Mose II, 4:13 ပူးပေါင်းရင်းမြစ်များ

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose I, 41:35

Niye ní tsuo nɛ maa ba ngɛ jeha kpakpa amɛ a mi ɔ, ha nɛ a bua nya. Moo wo mlaa nɛ a to blɛfo ngɛ ma tsuaa ma mi, nɛ a bu he.

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Matsɛmɛ I, 19:4

Se lɛ nitsɛ lɛɛ e nyɛɛ ligbi mluku kake kɛ ya nga a nɔ, nɛ e ya hi si ngɛ tso ko sisi, nɛ e ná nɛ e gbo. E sɔle ke, “Yawɛ, e hiɛ; moo gbe mi jehanɛ. E hi kaa ma gbo mohu; ejakaa ye nɛmɛ nɛ sɛ hlami ɔ, i hí pi mɛ.”

Mose II, 23:20

“Hyɛ, i ngɛ bɔfo ko tsɔe kɛ nyɛɛ o hɛ mi, nɛ e bu o he ngɛ blɔ ɔ nɔ hluu kɛ yaa si he nɛ i dla ngɔ to mo ɔ.

Mose II, 4:1

Mose de Mawu ke, “Se o na, a be mi hee maa ye, nɛ a be ye gbi hu tue bue; nɔ́ nɛ a ma de ji, ‘Yawɛ je we e he si ha mo.’ ”

Mose II, 4:12

Lɔ ɔ he ɔ, moo ya. Ma ha o nya mi ma tsɔ, nɛ ma tsɔɔ mo nɔ́ nɛ o de.”

Mose II, 4:14

Jehanɛ lɛɛ Yawɛ mi mi fu Mose, nɛ e de lɛ ke, “Anɛ o susu kaa i li kaa o nyɛmi Aaron, Levi no ɔ nya mi tsɔ lo? Hyɛ, e ngɛ blɔ nɔ kɛ ma nɛ e kɛ mo ba kpe, nɛ ke e na mo ɔ, e bua maa jɔ e he saminya.

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Yona 1:3

Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Yona 1:6

Lɛtsɛ ɔ ba e ngɔ nɛ e ba de lɛ ke, “Kɛ o ngɛ tsɔɔe kɛɛ; mahe lɛ o ngɛ hwɔe? Tee si nɛ o tsɛ o mawu ɔ, kaa alini wa ní maa pee lɛ mɔbɔ nɛ e ma he wa yi wami lo.”

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

Yohane 6:29

Yesu he nɔ́ ke, “Mawu suɔ kaa nyɛ he nɔ nɛ e tsɔ ɔ nyɛɛ ye.”

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.