Mose II, 4:11 - BAIBLO ALOO NGMAMI KLƆUKLƆU Ɔ

¹¹ Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Mose II, 4:11 ပူးပေါင်းရင်းမြစ်များ

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

La 51:15

Nyɔmtsɛ, bli ye nya, konɛ ma la kɛ je o yi.

La 94:9

Nɔ nɛ pee wa tue ɔmɛ ɔ, e nui nɔ́ lo? Nɔ nɛ pee hɛngmɛ ɔmɛ ɔ, e hyɛ we nɔ́ lo?

Abɛ Womi 20:12

Tue nɛ waa kɛ nuɔ nɔ́, kɛ hɛngmɛ nɛ waa kɛ hyɛɔ nɔ́ ɔ, Yawɛ nɛ pee mɛ tsuo ha wɔ.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 6:7

E ngɔ la ngu hɛuu ɔ ngɔ sa ye nya he nɛ e de ke, “Hyɛ, nɛ nɔ́ nɛ ɔ sa o nya he nɛ ɔ, a ngɔ o he yayami ɔmɛ ngɔ pa mo, nɛ piami ko be o he hu.”

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Ezekiel 33:22

Gbɔkuɛ ɔ nɛ e nɔ jena mɔtu loko amaniɛ bɔlɔ ɔ ba a, Yawɛ he wami ɔ ma ye nya. Se mɔtu maa pee benɛ e ba a, Yawɛ bli ye nya momo, lɔ ɔ he ɔ, i nyɛ tu munyu.

Amos 3:6

Anɛ ta titimati pɛɛ ngɛ ma mi nɛ ma mi bi ɔmɛ a tsui pui lo? Anɛ amanehlu baa ma ko nɔ nɛ pi Yawɛ nɛ pee lo? Dɛbi!

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Luka 1:20

O he we ye sɛ gbi ɔ yi; se kɛ̃ e maa ba mi ngɛ be nɛ sa mi. Akɛnɛ o he we yi he je ɔ, o nya ma ma, nɛ o be nyɛe maa tu munyu hu kɛ yaa su ligbi ɔ nɛ si nɛ i wo mo ɔ maa ba mi.”

Luka 1:64

Amlɔ nɔuu ɔ, Mawu ha nɛ Zakaria nya bli, nɛ e tu munyu ekohu, nɛ e je Mawu yi.

Yohane 10:21

Se ni komɛ hu de ke, “Nɔmlɔ nɛ mumi yayami ngɛ e mi be nyɛe maa tu munyu kikɛ nɛ ɔ. Kɛ mumi yayami ma nyɛ bli hɛ yuyuili a hɛngmɛ kɛɛ?”