Mose II, 4:10 - BAIBLO ALOO NGMAMI KLƆUKLƆU Ɔ

¹⁰ Se Mose de Yawɛ ke, “Ye Nyɔmtsɛ, ye nya mi tsɔ we kɛ je sá, nɛ kɛ je be nɛ o kɛ imi, o tsɔlɔ ɔ bɔni munyu tumi nɛ ɔ hu tsakemi ko bɛ; ye munyu tumi ngɛ blɛuu, nɛ ye lilɛ hu jiɔ.”

Mose II, 4:10 ပူးပေါင်းရင်းမြစ်များ

Mose II, 3:11

Se Mose bi Mawu ke, “Mɛnɔ ji mi, nɛ ma ya Farao ɔ ngɔ, nɛ ma ya je Israel bi ɔmɛ kɛ je Egipt ɔ?”

Mose II, 4:1

Mose de Mawu ke, “Se o na, a be mi hee maa ye, nɛ a be ye gbi hu tue bue; nɔ́ nɛ a ma de ji, ‘Yawɛ je we e he si ha mo.’ ”

Mose II, 6:12

Se Mose de Yawɛ ke, “O nɛ, Israel bi ɔmɛ po bui mi tue; kɛ maa pee kɛɛ nɛ Farao ɔ lɛɛ e maa bu mi tue; imi nɛ ye nya mi tsɔ we nɛ ɔ?”

Mose II, 6:30

Se Mose de Yawɛ ke, “Tse o le kaa ye nya mi tsɔ we. Kɛ ma pee kɛɛ nɛ Farao ɔ maa bu mi tue?”

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

2 Korintobi 10:10

Nihi deɔ ke, “Paulo womi ɔmɛ a mi munyuhi jiɔ, nɛ a mi wa hulɔ; se ke o na lɛ nitsɛ lɛɛ pi nɔ ko kulaa ji lɛ; munyu nitsɛ tete e li tumi.”

2 Korintobi 11:6

Ke i li munyu tumi tete po, lɔ ɔ tsɔɔ we kaa i li nɔ́ ko nɔ́ ko. Nɔ́ nɛ i ngɛ dee nɛ ɔ, nyɛ nitsɛmɛ nyɛ le, ejakaa wa ye he odase si abɔ ngɔ tsɔɔ nyɛ.