Mose II, 39:5 - BAIBLO ALOO NGMAMI KLƆUKLƆU Ɔ

⁵ Mi mi fimi nɔ́ ɔ nɛ a je blɔ lo kɛ wo efɔd ɔ he nɛ a kɛ fi lɛ ɔ, lɛ hu jamɛ a ga a, kɛ jamɛ a ní ɔmɛ nɔuu a ngɔ kɛ pee mɛ kaa bɔ nɛ Yawɛ fa Mose ɔ. Mɛ ji sika tsu kpa, kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ.

Mose II, 39:5 ပူးပေါင်းရင်းမြစ်များ

Kpojemi 1:13

nɛ nɔ ko kaa Nɔmlɔ Bi ɔ ngɛ a kpɛti. E wo tade klɔii, nɛ e ngɔ kpa nɛ a kɛ sika tsu pee kɛ fi e gugue.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

1 Korintobi 11:23

Nɔ́ nɛ i ná kɛ je Nyɔmtsɛ ɔ dɛ mi ɔ, lɔ ɔ nɛ i kɛ ha nyɛ ɔ nɛ, kaa Nyɔmtsɛ Yesu ɔ, jamɛ a nyɔ ɔ mi nɔuu nɛ a tsɔɔ e se blɔ ɔ, e kɛ̃ abolo,

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

Mose III, 8:7

E ngɔ yi nɔ tade ɔ ngɔ wo Aaron, nɛ e kɛ mlɛ mi fimi nɔ́ fi e mlɛ mi, nɛ e wo lɛ tade klɔii ɔ. Jehanɛ e ngɔ tade nɛ a tsɛɛ efɔd ɔ ngɔ wo lɛ, nɛ e kɛ efɔd ɔ he kpa nɛ a lo lɛ saminyayoo ɔ fi efɔd ɔ nɔ.

Mose II, 29:5

Lɔ ɔ se ɔ, wo tade ɔmɛ ha Aaron; hiɔwe tade ɔ, tade klɔii ɔ nɛ ngɛ efɔd ɔ nɔ ɔ, efɔd ɔ nitsɛ, kɛ gugue tade ɔmɛ, konɛ o ngɔ efɔd ɔ mlɛ mi fimi nɔ́ ɔ nɛ a je blɔ lo lɛ saminyayoo ɔ kɛ fi e mlɛ mi.

Mose II, 28:8

Mi mi fimi nɔ́ ɔ hu, a je blɔ nɛ a lo lɛ kɛ tsa efɔd ɔ, kɛ jamɛ a ga a, kɛ jamɛ a ní ɔmɛ nɔuu nɛ ji sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa hiɔ kpakpa nɛ a tslɔ ɔ.

Mose II, 25:4

kpa bluu, kpa tsu, kpa nɛ hɛɛ alamua tu su, kpa hiɔ kpakpa nɛ a tslɔ, apletsi he bwɔmi,

Mose II, 39:4

A pee konɔ kpa enyɔ kɛ wo efɔd ɔ he, nɛ a kɛ fi lɛ ngɛ hɛ mi kɛ se tsuo.

Mose II, 39:6

A pee shoham tɛ ɔmɛ, nɛ a ngɔ mɛ kɛ hɔɔ sika tsu gahi a mi; nɛ a kpɛ́ Yakob binyumu ɔmɛ a biɛhi ngɛ a nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ.