Mose II, 39:43 - BAIBLO ALOO NGMAMI KLƆUKLƆU Ɔ

⁴³ Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Mose II, 39:43 ပူးပေါင်းရင်းမြစ်များ

Kronika II, 30:27

Nyagbe ɔ, osɔfo ɔmɛ, kɛ Levi bi ɔmɛ te si nɛ a ba Yawɛ gbaami kɛ pue ma a nɔ. Mawu nu a kue fami ɔmɛ ngɛ e hi he ɔ ngɛ hiɔwe, nɛ e bu mɛ tue.

Matsɛmɛ I, 8:14

Israel ma kpekpemi ɔ tsuo daa si ngɛ lejɛ ɔ kɛ mwɔɔ. Kɛkɛ nɛ Matsɛ Salomo plɛ e hɛ mi ngɔ kpee mɛ nɛ e gbaa mɛ.

Samuel II, 6:18

Benɛ David sã bɔ ɔmɛ gbe nya a, e gbaa ma a ngɛ Yawɛ Ope ɔ biɛ mi.

La 104:31

Yawɛ hɛ mi nyami ɔ maa hi si daa! Níhi nɛ Yawɛ pee ɔ, e ma na a he bua jɔmi.

Kronika II, 6:3

Israel ma kpekpemi ɔ tsuo daa si ngɛ lejɛ ɔ kɛ mwɔɔ. Kɛkɛ nɛ Matsɛ Salomo plɛ e hɛ mi ngɔ kpee mɛ, nɛ e gbaa mɛ.

Yoshua 22:6

Yoshua gbaa mɛ, nɛ e wo mɛ blɔ. E de mɛ ke, “Nyɛ pee kplɔkɔtɔtsɛmɛ kɛ yaa we; nyɛ ngɛ nahi babauu, sika hiɔ, sika tsu, akɔblee, dade, kɛ heha ní babauu. Ke nyɛ ya su ɔ, nyɛɛ kɛ nyɛ nyɛmimɛ ɔmɛ nɛ dla ní ɔmɛ tsuo nɛ nyɛ kpɔ ngɛ nyɛ he nyɛli ɔmɛ a dɛ ɔ.” Lɔ ɔ se ɔ, a pue blɔ kɛ ho we ya. Mose ha Manase wɛtso fa kake zugba ngɛ Yordan beleku je momo. Wɛtso fa a nɛ piɛ ɔ lɛɛ Yoshua ha mɛ zugba ngɛ a nyɛmimɛ ɔmɛ a kpɛti, ngɛ Yordan pa a bonyoku je.

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

La 19:11

Ke i ye mlaa amɛ a nɔ ɔ, imi o tsɔlɔ ɔ, i naa nile, kɛ se nami kpahi babauu.

Nehemia 11:2

Ni kpahi nɛ a si a gugue ke a maa hi Yerusalem ɔ, Israel ma a je a yi saminya.

Kronika I, 16:2

Benɛ David sã bɔ ɔmɛ gbe nya a, e gbaa ma a ngɛ Yawɛ biɛ mi,

Mose II, 40:25

nɛ e su kane ɔmɛ kɛ ma nɔ ngɛ Yawɛ hɛ mi kaa bɔ nɛ Yawɛ fa lɛ ɔ.

Mose II, 39:42

Israel bi ɔmɛ tsu ní tsumi ɔ tsuo kaa bɔ nɛ Yawɛ fa Mose ɔ pɛpɛɛpɛ.

Mose II, 40:1

Yawɛ de Mose ke,

Yeremia 13:5

Nɛ i ngɔ bɔjuɛ ɔ ya laa ngɛ Yufrate pa a kasa nya kaa bɔ nɛ Yawɛ fa mi ɔ.

Mose II, 7:6

Mose kɛ Aaron bu Yawɛ tue, nɛ a pee kaa bɔ nɛ e de mɛ ke a pee ɔ.

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

Mose II, 25:9

A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.

Mose III, 16:34

Á ye mlaa nɛ ɔmɛ a nɔ kɛ ya neneene. Daa jeha a, a maa pee kusumi nɛ ɔ si kake kɛ kpata Mawu ha Israel bi ɔmɛ ngɛ a he yayami ɔmɛ a he. Mose pee kaa bɔ nɛ Yawɛ fa lɛ ɔ.

Matsɛmɛ I, 6:38

Salomo yi nɔ jeha nɛ ji nyɔngma kɛ kake ɔ we nyɔhiɔ kpaanyɔne ɔ nɛ a tsɛɛ Bul ɔ mi ɔ, a gbe Yawɛ we ɔ, kɛ e he nɔ́ tsuaa nɔ́ nya pɛpɛɛpɛ kaa bɔ nɛ a tsɔɔ kaa a ma lɛ ɔ. Lɔ ɔ he ɔ, jeha kpaago ji be tsuo nɛ Salomo ngɔ kɛ ma Yawɛ we ɔ.

Matsɛmɛ I, 8:55

E wo gbi wawɛɛ nitsɛ, nɛ e gbaa Israel ma kpekpemi ɔ nɛ bua a he nya ngɛ lejɛ ɔ, nɛ e de ke,