Mose II, 39:39 - BAIBLO ALOO NGMAMI KLƆUKLƆU Ɔ

³⁹ akɔblee bɔ sami la tɛ ɔ, e he akɔblee ya a, e he tso ɔmɛ, kɛ e he ní ɔmɛ tsuo; nyu kã a kɛ e he kla a;

Mose II, 39:39 ပူးပေါင်းရင်းမြစ်များ

Matsɛmɛ I, 8:64

Jamɛ a ligbi ɔ nɔuu ɔ, Salomo pee kue ɔ nɛ ngɛ Yawɛ we kpɛti ɔ klɔuklɔu, nɛ e sã sami bɔ, kɛ niye ní bɔ ngɛ lejɛ ɔ; e ngɔ lohwe ɔmɛ a zɔ ɔ hu kɛ sã tue mi jɔmi bɔ. E pee nɔ́ nɛ ɔ, ejakaa akɔblee bɔ sami la tɛ ɔ klee we bɔ nɛ a ma nyɛ sã bɔ nɛ ɔmɛ tsuo ngɛ nɔ.

Mose II, 38:30

Lɔ ɔ ji nɔ nɛ e ngɔ kɛ pee kpe he bo tsu ɔ nya sinya a nɔ dami ní ɔmɛ, akɔblee bɔ sami la tɛ ɔ kɛ e he akɔblee ya a, bɔ sami la tɛ ɔ he ní ɔmɛ tsuo,

Mose II, 27:4

Jehanɛ, ngɔɔ akɔblee nɛ o kɛ lo ya kɛ wo bɔ sami la tɛ ɔ he. Moo pee akɔblee ga eywiɛ kɛ wo ya a kɔ nya eywiɛ ɔmɛ.

Mose II, 30:18

“Moo pee akɔblee kã kɛ e sisi akɔblee kla. Ngɔɔ kɛ ma kpe he bo tsu ɔ kɛ bɔ sami la tɛ ɔ a kpɛti, nɛ o yɛ nyu kɛ wo mi.

Mose II, 39:38

sika tsu bɔ sami la tɛ ɔ; nɔ pɔmi nu ɔ; tsopa kɛ e he via a; kpe he bo tsu ɔ nya bo ɔ;

Mose II, 39:40

bo ɔmɛ nɛ kplaa si ngɛ kpe he bo tsu ɔ piɛ ɔ he ɔ, e titima amɛ kɛ e nɔ dami ní ɔmɛ, piɛ ɔ nya bo ɔ, e he tangme ɔmɛ kɛ e he plɛɛko ɔmɛ, kɛ níhi tsuo nɛ a ngɔ kɛ tsu ní ngɛ kpe he bo tsu ɔ mi ɔ;

Mose II, 27:1

“Ngɔɔ akasia tso kɛ pee bɔ sami la tɛ. E hi kɔ nya eywiɛ; e kami nɛ pee nine mi blimi nyɔngma, e blimi nine mi blimi nyɔngma, kɛ e si temi nine mi blimi ekpa.