Mose II, 39:32 - BAIBLO ALOO NGMAMI KLƆUKLƆU Ɔ

³² Jehanɛ ɔ, a gbe kpe he bo tsu ɔ he ní tsumi ɔ tsuo pɛpɛɛpɛ nya. Israel bi ɔmɛ tsu ní ɔ pɛpɛɛpɛ kaa bɔ nɛ Yawɛ fa Mose ɔ.

Mose II, 39:32 ပူးပေါင်းရင်းမြစ်များ

Mose II, 25:40

Hyɛ nɛ o pee mɛ pɛpɛɛpɛ kaa henɔhi nɛ i ngɛ mo tsɔɔe ngɛ yo ɔ nɔ ɔ.

Hebribi 8:5

Ní nɛ osɔfo ɔmɛ tsuɔ ɔ ngɛ kaa ní tsumi nɛ a tsuɔ ngɛ hiɔwe ɔ henɔ, loo e nini kɛkɛ. Mose hu kikɛ nɛ ɔ nɔuu e tsu ní. Benɛ e maa ma bo tsu ɔ, Mawu de lɛ ke, “Hyɛ nɛ o pee ní ɔmɛ tsuo pɛpɛɛpɛ kaa henɔ nɛ i tsɔɔ mo ngɛ yo ɔ nɔ ɔ.”

Hebribi 3:2

E ye Mawu nɛ hla lɛ ke e tsu ní nɛ ɔ anɔkuale kaa bɔ nɛ Mose hu ye anɔkuale ngɛ Mawu we ɔ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Kronika I, 28:19

Matsɛ David de Salomo ke, “Foni ɔ nɛ Yawɛ nitsɛ ha nɛ a pee, nɛ e ngɔ ha mi nɛ ma hyɛ nɔ kɛ tsu ní ɔ, a ngma ní nɛ ɔmɛ tsuo kɛ wo mi.”

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Mose II, 39:33

Nɛ a ngɔ kpe he bo tsu ɔ, kɛ e he ní ɔmɛ tsuo kɛ ba Mose ngɔ; e he gbowe ɔmɛ, sima tso ɔmɛ, mani tso ɔmɛ, titima amɛ, kɛ nɔ dami ní ɔmɛ;

Mose II, 39:31

Nɛ a kɛ kpa bluu fi lɛ kɛ wo pɛɛ nguaa a he kaa bɔ nɛ Yawɛ fa Mose ɔ.

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.

Mose II, 31:7

kpe he bo tsu ɔ, daka a nɛ a kɛ somi womi ɔ maa wo mi ɔ kɛ e nya nɔ́ ɔ, bo tsu ɔ he ní ɔmɛ tsuo,

Mose II, 40:1

Yawɛ de Mose ke,

Mose II, 40:3

Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.

Matsɛmɛ I, 6:38

Salomo yi nɔ jeha nɛ ji nyɔngma kɛ kake ɔ we nyɔhiɔ kpaanyɔne ɔ nɛ a tsɛɛ Bul ɔ mi ɔ, a gbe Yawɛ we ɔ, kɛ e he nɔ́ tsuaa nɔ́ nya pɛpɛɛpɛ kaa bɔ nɛ a tsɔɔ kaa a ma lɛ ɔ. Lɔ ɔ he ɔ, jeha kpaago ji be tsuo nɛ Salomo ngɔ kɛ ma Yawɛ we ɔ.

Matsɛmɛ I, 7:40

Jehanɛ, Huram pee buɛhi, sofihi, kɛ kãhi. Yawɛ we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ. Akɔblee kpɔ enyɔ nɛ ma titima amɛ a yi mi. Ya enyɔ nɛ a lo, kɛ mɔmɔ jlasi nɛ a pee kaa kɔsɔkɔsɔ ngɔ ma titima enyɔ ɔmɛ a yi mi. Akɔblee kpɔ kokloohi kaa tso yiblii lafa eywiɛ nɛ a pee ngɔ wo gbaka enyɔɔnyɔ a mi kɛ bɔle kpɔ ɔmɛ. Tlɔɔke nyɔngma. Kã nyɔngma. Nyu nɔ́. Akɔblee na ku nyɔngma kɛ enyɔ nɛ nyu nɔ́ ɔ maa si ngɛ a nɔ. Buɛ ɔmɛ, sofi ɔmɛ, kɛ kã amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he a kɛ pee.