Mose II, 39:30 - BAIBLO ALOO NGMAMI KLƆUKLƆU Ɔ

³⁰ A kɛ sika tsu ngmingmiingmi pee jlasi klɔuklɔu ɔ hɛ mi plɛɛte pɛtɛpɛtɛ ɔ, nɛ a ngma ní ngɛ nɔ kaa bɔ nɛ june he ní tsulɔ ngmaa ní ngɛ nguɛ ga nɔ́ ɔ ke, “Klɔuklɔu ha Yawɛ.”

Mose II, 39:30 ပူးပေါင်းရင်းမြစ်များ

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Zakaria 14:20

Jamɛ a be ɔ, a maa ngma ngɛ okpɔngɔ kuɛ ngmlɛ ɔmɛ a nɔ ke, “Klɔuklɔu kɛ ha Yawɛ.” Buɛhi nɛ ngɛ Mawu we ɔ maa pee klɔuklɔu kaa kãhi nɛ ngɛ bɔ sami la tɛ ɔ hɛ mi ɔ nɔuu.

Mose II, 26:36

“Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

Mose II, 39:29

Mi mi fimi nɔ́ ɔ hu, a ngɔ kpa hiɔ kpakpa nɛ a tslɔ, kpa bluu, kpa nɛ hɛɛ alamua tu su, kɛ kpa tsu kɛ pee, nɛ a kadi ní wo mi kaa bɔ nɛ Yawɛ fa Mose ɔ.

Mose II, 39:31

Nɛ a kɛ kpa bluu fi lɛ kɛ wo pɛɛ nguaa a he kaa bɔ nɛ Yawɛ fa Mose ɔ.